Ainhoa, Euskaltelen sinbolo berria
Patxiren iragarkiarekin Euskaltelek sariak irabazi zituen, eta sekulako oihartzuna. Orain iragarki berri bat atera du, baina Patxi barik, Ainhoa du protagonista.
Euskaltel enpresako lagunak azti ibili dira oraingoan ere eta ederki aprobetxatu dute Ainhoa abeslari galdakaotarrak irabazi izana Operación Triunfo lehiaketaren bigarren aldia.
Hori dela eta, iragarki bat egin dute, Interneten ikus daitekeena, non minutu erdian Ainhoa izena 17 aldiz errepikatzen den. Beraz, Euskaltelek ez du kontratatu Ainhoa Cantalapiedra bere publizitatea egiteko. Soilik erabiltzen du Ainhoa izena, garai batean Patxirena erabili zuen bezala, baina beste modu batean.
Hala ere, oso garbi dago eta hortxe dago grazia Ainhoa izena erabiltzen dutela, izen hori puri-purian dagoelako, telebistaren lehiaketari esker. Eta lotura hori garbi gera zedin, Euskaltelek milaka afixa atera zituen Ainhoa abeslariaren argazkiarekin Galdakaoko kiroldegian OT2ren final egunean.
Ikusi nahi baduzue iragarkia, hemen klik egin eta hortik jaitsi dezakezue, behera eginda orrian. Kontuan izan ia 2 MB dituela. Eta ezin baduzue ireki, niri lehendabizikoan gertatu zaidan bezala, aldatu atzizkia: ezabatu .zip eta idatzi .mpg. Ondoren QuickTime, RealPlayer edo antzeko programa bat ireki eta handik zabaldu dokumentua.
/cache/Udako-Ola-2024_1_small_content.jpeg)
Gaur arratsaldeko 20:08etan, Antton Aranburuk gai hau jorratuko du Ainhoa, Espainia eta gu Bidelagun irratsaioan, Euskadi Irratian.
Bere ondoan izango ditu Mikel Irizar sustatukidea, Nerea Azurmendi kazetaria eta Natxo de Felipe eta Mikel Markez kantariak. Gai honek hautsak harrotu ditu bazterretan, Sustatun ere bai. Beraz, izango du nork entzun.