Wireless jardunaldiak Udondon
Martxoaren 8 eta 9an Wireless jardunaldiak antolatu dira. Udondoko Gaztetxean izango dira ekitaldiok, Leioako metro geltokiaren ondoan. Bilboko sare libreen lehenengo jardunaldiak izango dira.
Martxoaren 8an eta 9an dira jardunaldiak, baina prestakizunak ostiralean hasiko dira, arratsaldeko 17:00etan. Lehenengo egitekoa: Wireless sareak muntatzea AP ezberdinekin eta argindarra egokituta.
Egia esan, Madrilen izango balira jardunaldiok ere antzera. Euskaraz, ezta kartelean ere.
Jardunaldien egitaraua
- Larunbata 8
11:30 BilboWirelessen aurkezpena.
14:00 Bazkaria.
17:00 "Sare aske bat eraikitzen" MadridWirelessen eskutik.
18:00 Wireless sareen ezaugarriak orohar, eta BilboWirelessenak bereziki.
24:00 Chill-out eta filmeen proiekzioa.
- Igandea 9
11:30 Antenak sortzeko tailerra.
14:00 Bazkaria.
16:00 Nodo tailerra: konfigurazioa, instalazioa, etab.
19:00 Antena lehiaketa: ondoen sortutakoa, orijinalena, urrutien heltzen dena, etab.
Ia batzen den jendeak Bilborako Wireless sarearen lehenengo pausuak emateko modua aurkitzen duten.
Antolatzaileak: Hacking Metabolik biohackilab.
Kolaboratzaileak: bilbowireless, anuestroarire eta madridwireless.
Erantzunak
> Metabolik, jendearen artean eraikitako hacker laborategi bat da, eta euskara erabiltzen ez badute, ez diegu madrildar deitu behar, euskaraz erabiltzeko aukera eta laguntza eskaini baino.
Barkatu, baina kasu honetan, uste dut, esateko modu okerra erabili duzula zuk zeuk. Nik ez diot inori madrildar deitu.
Deigarria egin zait oso, jardunaldi hauen kartela elebakar egotea, hau da, elebakar eta gazteleraz. Uste dut euskaraz dagoen bakarra "udondo gaztetxea" dela afixa horretan, noski, barrenean, "Gaztetxe de Udondo" dela jartzen duen arren.
Berria garatzeko oinarri kartela izan da. Helbide hauxe ikusi nuen, eta bertara joandakoan, dena, gazteleraz. Eta baita ematen duten beste lotura honetan ere, gazteleraz.
Bestetik, zure gonbitari jarraituz, nire eguneroko lanei gehitu niezaieke Euskal Herrian dauden ekimenen euskaratze kanpainaren partaide izatea, baina momentuz, ahal ere ezin dut eta ez dut uste irtenbidea hori denik ere. Ziur nago eskertuko lidatekeela zuk esaten duzun moduan, baina ezin eskertza horiek hartzeko gusto hori hartu. Bestetik, itzultzaile ere ez naiz eta ez dakit lortuko nukeen ezer interesgarririk...
Ez nuke nahi amaitu jardunaldi horien arrakasta desio gabe. Dabilen harriari... badakizue. Ia pentsatutako moduan edo hobeto ateratzen diren jardunaldiok. Lanean dabilen jendeak merezi duela ez dut dudarik.
Gaur deskubritu dut beste wireless talde bat, Donostiakoa: EuskalWireless
Hori bai, gune hori ere dena erdaraz.
Mundu guztia ez da zuek bezain super-euskalduna. Hori bai, web orriak egiteko, lehenengo dirua eskatzen duzue.... horrela edonork egingo luke euskararen alde.
Zenbat euskal web gune ezagutzen dituzue, subentzio barik egindakoak?
Euskal-jetak ere sortuko dira orduan....
> Gaur deskubritu dut beste wireless talde bat, Donostiakoa: EuskalWireless
>
> Hori bai, gune hori ere dena erdaraz.
-----------Gasteizen, anuestroaire.net proiektuaren barne, 4haizetara.net prestatzen ari gara. Euskal Herri osotik etorritako wireless talde batzuk bildu ginen Udondon eta idei mordo bat daukagu denon artean aurrera eramateko. Horien beste euskarazko dokumentazioa egin, garatu eta banatu sarean. Interesatzen bazaizue mesedez anuestroire.net bisitatu.
Zerbitzari bat eraikitzen ari gara 4haizetara.net-erako (ez dugu hosting zerbitzua nahi, zerbitzari oso bat baizik) eta momentuz ez gaude sarean.
> Egia esan, Madrilen izango balira jardunaldiok ere antzera. Euskaraz, ezta kartelean ere.
>
Barkatu, baina uste dut, esateko modu okerra erabili duzula. Nik ikusi eta irakurri dudanaren arabera, euskaraz ez dagoen bakarra da Kartela. Beste guztia, egutegia eta ordutegia, izena emateko formularioa ... euskaraz dago.
Metabolik, jendearen artean eraikitako hacker laborategi bat da, eta euskara erabiltzen ez badute, ez diegu madrildar deitu behar, euskaraz erabiltzeko aukera eta laguntza eskaini baino.
Metabolik hack-lab hau jende askoren ekimena da, eta euskaraz dagoena, norbaitek itzuli duelako da. Eta euskaraz ez dagoena, inork euskaratu ez duelako da.
Guk geuk ere, lagundu dezakegu horretan. Ziur eskertuko dizutela. Beste barik.