Arrasateko webgune ofizial berria
Gaur aurkeztu da Arrasateko Udalaren webgune berria. Badira aste pare bat gunea martxan dagoela sarean, baina gaur izan da bataio ofiziala. Gune berri hau prestatzeko Code & Syntax enpresak Udalerria Web Plataforma erabili du.
Xabier Zubizarreta Arrasateko alkatea bertan zelarik aurkeztu dute webgunea udaletxean, eguerdiko 12.00etan. Code & Syntax-etik Garikoitz Araolaza teknologia arduraduna izan da bertan. Gunea hemen bisitatzen ahal duzue:
Udalerria Web Plataforma interneten publikatzeko sistema berritzaile bat da. Berez, ez dugu webgunea bera egin, marko huts bat baizik. Marko automatizatu horren barruan Udaletik kudeatu ahal izango dituzte dauzkaten informazio eta ekimen guztiak.
Udalerria web plataformak baditu zenbait ezaugarri berezi. Zenbait azpimarratzekotan:
- Informatikarik ez dakien edonork publikatu dezake informazioa interneterako nabigatzaile huts baten bidez. Izan ere, Udaleko langile multzo bat osatu du gunearen edukia, eta haiek kudeatzen dute zuzenean.
- Sistema guztiz elebiduna da. Ez da hori itzulpen automatikoa jakina, baina edozein artikulu bi hizkuntzetan idatz daiteke eta erabiltzailearen aukeren arabera aterako zaio bat edo bestea.
- Bilaketak euskarara moldatuta daude, deklinabide kasu normalenak kontuan har ditzan. (Musakola bilatuz, Musakola bai, baina Musakolako eta Musakolaraino ere azalduko da emaitzetan)
- e-posta bidezko boletinekin lotuta, hala nahi duten Arrasatearrek e-postaz jaso ditzaten webguneko albisteak.
Erantzun
Sartu