Applek Safari nabigatzailea sortu du
Applek hainbat berritasun aurkeztu zituen atzo San Frantziskon, Macworld erakusketan: nabigatzaile bat, programa bat aurkezpenak egiteko, pakete bat aplikazio digital guztiekin, beste programa merke bat filmak editatzeko eta bi ordenagailu txiki, zein baino zein pertxentagoak.
Azkenean argitu da zer berritasun ekarriko dituen Applek urte berrirako: ez dago PDArik, ezta sakelako telefonorik edo antzeko tramankulu distiratsurik. Hala ere, Steve Jobs Appleko lehendakariak eman zuen ezustekorik.
Hona hemen berritasunik aipagarrienak, bai sofwarean eta baita hardwarean ere:
Nabigatzailea
Applek nabigatzaile berria sortu du, Safari izenekoa. Jobs-ek esan zuenez, Safari hiru aldiz bizkorragoa da Internet Explorer baino. Gogoan izan, 1997a ezkero, Applek Internet Explorer instalatu duela Mac guztietan berezko nabigatzaile gisa. Hori bukatu da. Gaurdanik edozeinek jaits dezake doan Safari Applen webgunetik. Hala ere, Mac OS X beharko da nabigatzaile berria erabiltzeko.
Programa bat aurkezpenak egiteko
Bigarren berritasuna da Keynote, aurkezpenak egiteko programa bat, lehia bizian sartuko dena, zalantzarik ez, Microsoften PowePointekin, izan ere, erabat bateragarri izango da azken honekin. Steve Jobs-ek berak ere programa hau erabili zuen atzoko aurkezpenean. Programa hau salgai jarriko dute, 100 euroan.
Pakete bat aplikazio digitalekin
Applek nahi du Mac ordenagailuak bihur daitezen gaur egungo gurpegi digitalak, uztartuko dituztenak PDAk, argazki kamera digitalak, eta musika entzuteko gailuak. Horretarako hainbat aplikazio sortu ditu azken aldi honetan, arrakasta handia izan dutenak: iTunes, iPhoto, iCal, iDVD, iMovie eta iSync. Baina orain pakete bat aurkeztu du, iLife, denak integratzen dituena. Pakete hau urtarrilaren 25etik aurrera jarriko da Mac berri guztietan. Bere ordenagailuan jarri nahi duenak, ostera, 50 euro ordaindu beharko ditu, gutxi gorabehera.
Programa merke bat filmak editatzeko
FinalCut programa liderra omen da filmak editatzeko aplikazioen artean, baina garestia da. Horregatik, Applek beste bat sortu du, FinalCutExpress, arinagoa eta merkeagoa bestea baino: 300 euro balioko du (besteak, 1.000).
17 hazbeteko Titaniuma
Titanium izango da Applek inoiz atera duen ordenagailu txikirik onena. Orain 17 haztebeko pantaila izango du (lehengoa 15 haztebekoa zen), baina besterik ere izango du: Bluetooth (haririk gabeko teknologia), FireWire 2 eta AirPort sarean jartzeko teknologia. PowerPC G4 prozesagailua izango du, GHz 1ekoa, 512MB Ram, 60GBko disko gogorra eta DVD grabagailua.
12 hazbeteko Powerbook txikia
Aurrekoaren teknologia bera aplikatuz, Applek PowerBook txikiagoa eta merkeagoa sortu du. Inoiz egin den PowerBookik merkeena da, esan zuen Jobsek. Bi aste barru salgai jarriko da, 1.800 euroan. G4 prozesagailu bat izango du, 512 MHzkoa eta disko gogor bat 40GBkoa, Bluetooth, etabar.
Erantzunak
Safari interneteko arakatzailea, GNU/Linux-eko KDE idazmahaiko (idaztegi) Konqueror fitxategi kudeatzaile eta Internet arakatzailean oinarrituta dago, Safariko web orrialdean irakur daitekeenez.
Beraz, badirudi Steve Jobsen enpresak software askean oinarritutako softwareak jaso, birmoldatu eta beraien MacosX sistema eragilearentzako prestatzen dutela. Horrela gainera, nola Konqueror GPL baimenpean zabaldua dagoen, derrigorrez Safari ere GPL baimenpean zabaldu behar dute. Eta ondorioz Safari software askea izan beharko luke.
Inoiz Goienak pentsatzen badu egin dezakeela eman dezagun Durangoko Azokaren jarraipena Interneten, horretarako telebista erabilita, hementxe dauka nola egin.
Quicktiming.org enpresa Macworld Expo erakusketaren jarraipena egiten ari da, bideo irudiak erabilita, QuickTime formatuan. Horretarako erabiltzen ari da Canon GL1 kamera bat eta PowerBook G4 ordenagailua. Bideoak editatzeko, berriz, iMovie darabilte, eta eZedia eta Sorenson Squeeze softwarea. Dena bukatzen denean, erakutsiko dute nola egin duten.
Denbora apur bat behar du kargatzen, baina ADSL baldin baduzue, merezi dizue.
Aizu, Dick, eta zu ere ustez maczalea izanik, jaitsiko zenuenez, zergatik ez diguzu bidaltzen Sustatukoei pantaila-irudi bat? nola ikusten den Sustatu.com Safari erabilita. Eta erabilpen horren inpresioak edo, bide batez...
Mac zalea bai, mac erabiltzailea ere banaiz, baina Mac OS 9.1 darabilt oraindik ere. Beraz, ezin Safari erabilii nire ordenagailuan, hau bakarrik Mac OS X Jaguar bertsioarekin dabil eta.
Beharbada Iban Arantzabalek atera diezaguke horrelako argazki bat. Gogoratzen duzue bere iMac zoragarria?
> Beharbada Iban Arantzabalek atera diezaguke horrelako argazki bat. Gogoratzen duzue bere iMac zoragarria?
Nire i-mac zoragarrian erabakita dut aurreko bertsioan lan egitea. Egia esan, laneko programak, letra tipoak... erabiltzea errazagoa da niretzat.
Baina ojo! oraindik ere zoragarria jarraitzen du izaten e? ez dakizue zein ondo entzuten den musika, esaterako. Itoiz-en diskografia guztia pirateatuta dut. ;-)
Mac-eroak kuadrilla berezia zarete. Steve Jobsek edozer txorrada iragartzen du, eta gustoz korritzen zarete. "Ikusi Apple inbento megaguatxi berriak, politenak, azkarrenak, superguayenak dira".
Baina gero, aber, TFT17 portatil hori erabili du zuetako edozeinek? Ez, ze balio du ez dakit zer. Safari instalatu ondoren nola dabil? Ba, ez, ze ni ez nabil Super OS X Jaguar MegaPlus sistema superguayarekin eta beraz ez dakit, baina superguay dela seguro, eta munduko politena ere bai.
Ez da kike eta ez da Iglesiaz, baina halaxe dio euskal kantautore honek :
Ni naiz guay
nire lagunak dira guay
besteen iritziak ordea,
inolaz ere ez dira guay.
Ba ez da nire kasua.
Besteen iritziak oso kontuan hartzen ditut. Baita Iglesiaz deitu zaren horrenak ere. Ikasteko horrenbeste dut...
Baina zu, zu, zu ez zara izango ba Kike Iglesiaz Guay. Edo?
Nire i-mac-a edarra da, ez du lekurik hartzen (etxea ere ez dut handia eta logela are gutxiago...) diseinu elegantea du, pantaila laua definizio ederrarekin, eta gainera, ez dut txakur txikirik ere ordaindu nire i-mac-agatik :-)
Zer esango dizut ba, oso-oso-oso gustura nago daukadanarekin. Kuadrila berezia garela? ba euskaldunok badakigu berezi izatea zer den eta nik ez dut inongo pegarik euskalduna naizela onartzeko, ezta mac-EROA naizela esateko ere.
Eup!
Antza inork ezin duenez, neuk utziko dizuet hemen, bada, Safariren irudi bat.
Inpresioei dagokienez, tira, Mozilla baino arintsuago zabaltzen da programa, eta orriak aurkezten ere nahiko arina da. Dena den, oso nabaria da oraindik beta bertsioa baino ez dela: probatu dutenen artean bi dira kexa nagusiak: Mozillak dituenen antzeko "tab" sistema falta dela, eta Flash eta CSS-rekin arazotxoak dituela oraindik.
Dena den, Safariren programatzaile taldea kontaktuan jarri da jadanik Konqueror garatzen ari den taldearekin, eta aldaketen berri ere eman dute, Mac foro ezberdinetan agertu diren mezuen arabera. Egia esan, ustekabe galanta izan da Safari Konqueror horretan oinarritu izena, mundu guztiak aurreikusten baitzuen Mozillaren aldaera den Chimera nabigatzailea izango zela Appleren nabigatzailearen oinarria.
Kikeren komentarioaren inguruan... beno, berez komentatzen dela uste dut.
Hau burua!
Hementxe duzue irudia ikusteko lotura:
http://homepage.mac.com/joxe/.Pictures/Safari.jpg
/cache/Udako-Ola-2024_1_small_content.jpeg)
Hogeita lau ordu igaro dira Applek Safari iragarri zuenetik, eta dagoeneko 300.000 lagunek jaitsi dute nabigatzaile berria Applen webgunetik. Horixe adierazi du gaur arratsean Phil Schiller, Appleko lehendakariordeak San Frantziskon bertan.
Aurreko errekorra iTunes programak zuen. Orain urte batzuk iragarri zenean, 200.000 lagunek jaitsi zuten bi egunean zehar. Applek adierazi du jendea hasi dela Safari erabiltzen Interneten nabigatzeko.