Internet: 2003 urterako aurreikusiak

Joan zen egunean 2002 urteko balantzea egiten genuen.

Orain, hona hemen Quebec-eko Veille -k iragarritako joera nagusiak 2003 urteari begira:

• Linux bulegoetan sartzen hasiko da

Internet zerbitzarien %66a edota zerbitzari korporatiboen %27a lortu ondoren, doako sistema komunitarioek ordenagailu pertsonaletara ailegatzeko heldutasuna lortuko dute. Hau da, Linux-ek ordenagailu pertsonaletan ezartzeko heldutasuna lortuko du . Ezagunak diren aldaketaren aurkako erresistentziak direla eta, oraindik urte asko pasatuko dira Linux bulego gehienetan ezarri arte, baina 2003 urte honetan lehen pausuak emango dira.

• Agur hariei!

Prezioen jaitsierak, segurtasuna handitzeak, eta bertsio azkarren agertzeak (esate baterako, 802.11b, 22Mb/s - an eta 802.11a 54 Mb/s -an), 2003 urtea, hari bako urtea egingo dute, bai etxebizitzetan eta bai enpresetan, naiz eta azken hauetan erabaki hau astiroago hartu. Harien desagertzea, Internet eta informazioaren akzesoari dagokionez, benetako iraultza izango da.

• Web egunkarien arrakasta

Milaka web egunkari pertsonalek, hau da blog-ak edo weblog-ek, hasiera batean nagusiki sektore teknologiko eta periodistikoetara mugatuta zeudenak, audientzia handituko dute. Korreoa eta webaren ondoren, Internet-eko hirugarren fenomeno soziala bihurtuz!. Horrela..., hona hemen Sustatu ! edo Quebec-eko mediak sartutako YAWN (Yet Another Weblogs Newsarticle)

• SPAM-aren aurkako nazioarteko borroka

Txo, gehiegi da! Korreo elektronikoak hartu duen garrantzia kontutan izanik eta eskatu gabeko mezuen proportzioa eten gabe gehitzeak, azken hauen aurkako erabakiak hartzea eskatuko diete bai enpresa, gobernu edota kontsumitzaileen erakundeei. Bestalde, erronka publikoa bihurtuko denez, SPAM-aren aurkako teknologia fidagarriak garatzen has daitezke.

• “Googlezazioa” martxan

Interneteko bilaketen merkatua kontrolatu ondoren, Google-k fitxategi formatu ezberdinei (Word, Excel, Powerpoint, ea.), irudiei (dagoeneko 330 miloi irudi indexatuak), eztabaida taldeei (20.000 baino gehiago, taldeen artxiboak barne) edo notiziei, lehen erredakzio laguntzaile robota sortuz , ireki da. Orrialdearen bertsio memorizatuari akzesoa eskaintzerakoan, saretik desagertutako orrialdeen arazoa konpontzen du. Batzuen esanetan, informazioaren bilaketaren zerbitzu honen botereak gure portaeren googlezazioa dakar, hau da, gurekin kontaktuan jartzen den edozein pertsona edo erakunderi buruzko informazioa bilatzeko akto erreflexua, Orakulu berri honetan ondo errepresentatuta gaudela ziurtatzea, edota ondorengo modak edo tendentziak ezagutzeko erregularki Zeitgeist-a jarraitzea.

• Errentagarritasun ezaren amaiera

Tolerantziako urte batzuk pasa ondoren, web operatzaileak ezingo dute galerak eta defizit-ak justifikatu webaren izaera berritzaileagatik edota inbertsioen amortizatu beharragatik. 2003 urtea, derrigorrez, guneen errentagarritasun urtea izan behar du.

• Ordenagailu saltzaileen pagotxa amaiera

Azkenengo hiru urteetan saldutako ordenadoreen potentzia, erabiltzaile gehienek behar dutena baino askoz handiagoa da. Gainera, ordenadore bat erosteko ahalmena zuten kontsumitzaileek erosi dute bat jada. Hori dela eta, 2003 urtean PC-en merkatuan geldiketa izango da. Printzipioz, egileen aldetik estrategia aldaketa bat izan beharko luke, eta eskeinitako ordenadoreak berriztu baino gehiago prezioen jaitsierara joko dute. Honek bigarren berrizketa bat emango dio ordenagailuen salmentari, haririk gabeko sarea duten etxeetan bigarren edo hirugarren ordenagailu bat erostera animatuz.

• Eta musika? Eta Microsoft?

Ba ezer gutxi berria aurten: diskoaren industriak musika webguneak geldiarazi nahiean jarraituko du eta Microsoft-ek, beste proiektuetan izan duen porrota konpentsatu nahiean, Windows eta Office-n duen monopolioa aprobetxatzen jarraituko du.

2003eko abenduan ikusiko dugu noraino bete diren Veille -n iragarritakoak ...