Googlek merkataritza zerbitzu berria abiarazi du: Froogle
Gabonak gainean ditugula-eta Googlek on-line salerosketak errazten dituen zerbitzu berria abiarazi du. Froogle du izena, eta bere arduradunen arabera, sarean diren denda eta produktu guztiak bertan biltzen dituzte.
WebSideStory merkatuaren inguruko ikerketetan espezializatuta dagoen taldea da. Orain gutxi plazaratutako ikerketa baten arabera, azken 30 egunetan helburu komertziala zuten bilaketen %28 Yahoo bidez egin dira, eta %27, berriz, Googlen bitartez.
Norgehiagoka hortan nagusitzeko asmoz, Googlek Froogle izeneko zerbitzua sareratu du. Bere helburua erabiltzaileen erosketak erraztea da, bertan produktu eta denda ugari aurki baitaitezke. Areago: Google-ko arduradunen esanetan sarean dauden produktu eta denda guztiak aurkitu daitezke.
Bere funtzionamendua eta Googlen ohiko webgunearena nahiko antzekoak dira, eta erabiltzaileak bi bide ditu bilaketak egiteko:
- Produktuaren deskribapena eginez.
- Produktuari dagokion kategoriari sakatuz.
Balizko erosleak, gainera, produktuaren gutxi-gorabeherako salneurria zehaztu dezake. Horren truke Frooglen azaltzen diren produktu eta denden jabeek ez dute ezer ordaindu beharrik.
Ez da berria esatea on-line salerosketek gero eta diru gehiago mugitzen dutena, eta hori frogatzen du orain gutxi plazaratutako ikerketa batek Izan ere, iazko azaroarekin alderatuta aurtengoan Internet bidezko salerosketak %22 igo dira.
Erantzun
Sartu