Galiziako marea beltza satelitez eta Internetez
Europako espazio agentziaren satelite batek a ze nolako mesedea egin dien ekologistei eta benetan egoera zein den jakin nahi dutenei! Zuek ere ikusi dezakezu Internetetik.
Sekulako irudi adierazgarriak dira ENVISATenak, hauek ez dute gezurrik esaten eta datozen egunetan, hilabeteetan ere Prestigerekin zer gertatzen den esango digute argi asko (nolatan ez duen Espainiako diplomaziak honi buruz ere Bruselan zeozer egiten).
Bide batez, helbide honetan bestelako hondamendien argazkiak ere ikus daitezke. Sumendi-erupzioak esaterako.
Begiratu hemen.
Erantzunak
Eta Greenpeace-ren gunean gai honetaz eztabaidatzeko foroa hemen daukazue:
http://act.greenpeace.org/1037731467/
Erreparatzen badiozue helbideko zenbaki horri, edo erantzunak bidaltzeko aukerari (http://act.greenpeace.org/103773146/addPostingForm)... akaso nabarituko duzue Sustatu-rekin antzekotasunen bat.
Bai horixe, software berdinarekin eginak daude Greenpeace-ren Cyberactivist Community delakoa eta Sustatu: Zope-ren weblog makinariarekin, Squishdot-ekin
Greenpeace erakundearen irudi bilduma Galizian gertatzen ari denaren inguruan (Espainiako gunetik).
Nazioarteko Greenpeace-ren gunean ere badago informazioa.