Erakusketa ibiltaria: XXI. mendeko idazle berriak

Euskarri erakargarri baten bitartez egin gura dute erakusketa Euskal Idazleen Elkartekoek eta irakurzaletasuna piztea dute helburu.

Erakusketan hauxe egongo da:

• Erakusketaren helburuen agerpena

• Idazle berrien iturriak
• Idazle berrien memoria
• Literatur banda, brigada eta elkarteen berri
• Idazleen profilak: Aurkezpena, Bibliografia, testu hautatuak eta argazkiak.
• Liburuak ikusgai
• Idazlek hautatutako testuak euren ahotsetan entzungai

Edukia ikasleekin landuko da, hiru modutan

• Erakusketaren aurkezpen egunkaria banatuz

• EIEk propioki prestatu duen galdera sortaz osatutako material didaktikoa landuz
• Erakusketa azalduko duen gidariari esker

Erakusketa Bilboko liburutegi munizipalean egongo da (Lehendakari Agirre, 42) eta duela bi egun dago zabalduta. Hala ere, Ofizialki, hil honen 27an zabalduko da eta bertan poesia errezitaldi musikatua egingo dute erakusketan izango diren idazleek.

Abenduaren 3tik 8ra bitartean Durangoko azokako karpan izango da erakusketa eta han ikusi ahal izango du interesa duen guztiak nahiz eta erakusketa 14-18 urte bitartekoendako pentsatua egon.

Idazle hauek hartzen dute parte erakusketan: Garikoitz Berasaluze (Getaria, 1975), Ixiar Rozas (Lasarte-Oria, 1972), Ana Urkiza (Ondarroa, 1969), Harkaitz Cano (Lasarte-Oria, 1975) Unai Elorriaga (Getxo, 1973), Pili Kaltzada (Donostia, 1970) Julen Gabiria (Galdakao, 1973), Jose Luis Padron (Urretxu, 1970) Pello Otxoteko (Irun, 1970), Castillo Suarez (Altsasu, 1976) Igor Estankona (Artea, 1977), Aritz Gorrotxategi (Donostia, 1975), Kirmen Uribe (Ondarroa, 1970) Asier Serrano (Eibar, 1975), Jasone Osoro (Elgoibar, 1971) Goizalde Landabaso (Deustu, 1970), Lutxo Egia, (Santander, 1969), Martin Etxeberria (Zarautz, 1974), Xabier Etxeberria (Zarautz, 1974), Urtzi Urrutikoetxea (Bilbo, 1977), Mirari Garcia de Cortazar (Donostia, 1969), Xabier Aldai (Azpeitia, 1975) Nagore Amondarain (Arantzazu, 1979), Un Apalategi (Paris, 1972), Iñaki Gurrutxaga (Orio, 1981), Fernando Morillo (Azpeitia, 1974), Jon Benito (Zarautz, 1981), Unai Iturriaga (Durango, 1974), Maialen Zubeldia (Ikaztegieta, 1978), Gorka Torre (Baiona, 1974)