Soziolinguistika Jardunaldiak Beran
Azken boladan Nafarroan puri-purian dagoen gai bati helduko diote Berako Soziolinguistika Jardunaldiek: Euskararen Legea. Hiru aztergai Goio Monreal, Eduardo Aldasoro eta Xabier Mendigurenen ikuspegitik landuak.
Soziolinguistika Jardunaldiak Bidasoako Ikerketa Zentroak antolatzen ditu, Berako Kultur Batzordearen laguntzarekin. Euskarak Nafarroan bizi duen egoera aintzat harturik, eta Dekretu berriaren ondorioak aintzat harturik, 1986an abian paratutako Euskararen Legea aztertuko da jardunaldi hauetan, eta bide batez, gogoeta egin.
Hiru solasaldi izanen dira, bertze hainbertze hizlarirekin.
- Azaroaren 15ean emanen zaio hasiera, Goio Monreal NUPeko irakaslearen solasaldiarekin. "Euskararen Legea: jatorria eta edukia" aztertuko ditu Monrealek.
- Aste bete beranduago, azaroaren 22an, Eduardo Aldasorok "Irakaskuntza arloan Euskararen Legearen eraginak" izanen ditu mintzagai.
- Azken hitzaldia Kontseiluko Idazkari Nagusi Xabier Mendigurenek emanen du, "Nafarroako euskaldunak euren hizkuntz eskubideen murrizketaren aitzinean" gaia ardatz hartuta.
Etengabeko eraso hauen aitzinean, gogoeta eta legearen ezagutza lagungarri gerta daitezke. Hitzaldi guztiak Berako Jamotenean izanen dira, arratsaldeko 6:30ean.
Erantzun
Sartu