Kabina berriak Internet eta guzti

ADSL-a dute garraiobide datu zein ahotsek eta horrek eragin dezake erabiltzailea gustura sentitzea. Bizkortasuna ziurtatuta omen dago, behintzat. Erabiltzaileak hauek erabiltzeko beste arrazoi bat SMS mezuak dira. Modan dago politsikoko telefonotik lagunei mezuak bidaltzea, baina denok dakigu zein deseroa den teklatu txiki horretan mezu bat idaztea.

Helburua *Internet sozializatzea da* Telefonikak esan duenez. Nago, Internet era bizkorragoan sozializatuko litzatekeela hain garestia ez balitz, baina horixe diote Telefonikako arduradunek eta hor geratzen da esanda sinistu gura duenarendako.

Internetek dituen aukera guztiak izango ditu bada telefono kabina berriak: filmaren bat ikusteko txartelak erosi, hiriko planoaren kontsulta egin, SMS mezuak bidali, e-posta kontsultatu...

Ez dute “kale borrokaren” beldurrik. Diotenez, teklatu “antibandalikoa” dute kabinok. Arratoia eta pantaila taktila dute nonbait. Altzairuzko pantaila ez da izango behintzat!

Webcam-ak instalatzea era badago beraien planetan. Madrilen 100 jarriko dituzte laster batean. 100 asko direla pentsatzen duzuenok jakin 2003. urte amaierarako 1.000 jartzea espero dituztela Madrilen bertan. Zertarako? Batek daki!