Egunkariaren "Gaiak" saila Interneten
Euskaldunon Egunkariak Interneten egiten ari den lanaren emaitza berri bat aurkeztu du. Paperean argitaratzen den Gaiak sailaren Interneteko bertsioa. Zer aurki daiteke bertan? Zientzia, ikerkuntza, osasuna, teknologia, ingurumena... euskaraz.
Zientziak, ikerkuntzak, osasunak, teknologiak, ingurumenak... gero eta oihartzun handiagoa dute gizartean. Eta oihartzun horren adierazgarri, Euskaldunon Egunkariak gai horiek guztiak bildu zituen sail berria sortu zuen: Gaiak.
Orain, berriz, sailaren Interneteko bertsioa aurkeztu du. Bertan paperean argitaratutako albiste, erreportai, elkarrizketa, iritzi, argazki... guztiak bildu ditu, txukun-txukun, lau atal nagusitan banatuta:
- Ingurumena
- Ikerkuntza
- Espazioa
- Osasuna.
Bukatzeko, sustatuzaleak gonbidatu nahi nituzke orria bisitatu, erabili eta bertan aurkeztutako eztabaidan parte hartzera: Zilegi al da umeen sexua aukeratzea?
Erantzun
Sartu