Bizkaiko Bertsolari Txapelketa abian
Bertsolari Txapelketa Nagusia iaz izan ostean orain herrialde mailako Txapelketen txanda da. Aurten Bizkaikoa izango eta datorren urtean Gipuzkoakoa. Araban, Nafarroan eta Iparraldean urtero antolatzen dira.
Txapelketa urtea dugu aurtengoa Bizkaian. Bi urterik behin, Bizkaiko Bertsolari Elkarteak antolatzen duen txapelketa hau, udazkenarekin batera hasi zen. Guztira 3 fase izango ditu:
-Kanporaketak
-Finalaurrekoak
-Finala
Kanporaketa saioak, Irailaren 29an hasi ziren eta asteburu honetan Gernikako Santanape pilotatokian jokatuko den saioarekin amaitu dira.
Guztira 30 bertsolarik parte hartuko dute lehen fase honetan eta hauetatik 11 pasako dira finalaurreetara. Kanporaketa saioetako irabazleak zuzenean eta gainontzeko seirak, lorturiko puntuen arabera.
Finalaurrekoetan, kanporaketako 11 hoiei, aurreko txapelketako finalean aritu ziren 7 bertsolari gehituko zaizkie guztira 18ko taldea osatuaz. 3 finalaurre izango dira, bakoitzean 6 bertsolari arituko direlarik. Finalaurreetako irabazleak eta beste 5, puntuen arabera finalera pasako dira.
Final nagusia, Abenduan izango da Bilboko Euskalduna jauregian.
Informazio gehiagotarako, begira ezazu Bertsozale Elkartearen webgunean.
Erantzun
Sartu