Teknologia albisteak

Euskal irudigileen erakusketa eta ipuin kontalariak Iurretako Herri Bibliotekan

Ziortza Onaindia - Iurretako Herri Biblioteka

2002-10-16 : 11:10

Iurretako Herri Bibliotekak datorren urriaren 29an zabalduko den "Euskal irudigileen erakusketa"ren berri eman nahi dizue. Helburua, irudigintzak duen garrantzia aditzera ematea.

Erakusketa honen antolatzailea Galtzagorri talde da, 1990. urtean sortu zen taldea hau eta beronen helburua Euskal Haur eta Gazte literaturaren sustapena da. Erakusketak Euskal irudigileen lana eta Haur eta Gazte literaturan irudigintzak duen garrantzia ezagutzera ematea du helburu.

Erakusketa Iurretako herri bibliotekan egongo da ikusgai urriaren 29tik azaroaren 28ra bitartean, astelehenetik-ostiralera 10-13 / 16-20 ordutegian. Bertara Iurretako lehen hezkuntzako eskola umeekin bisita gidatuak egingo dira azaroaren 5 eta 6an.

Bestalde, urritik-abendura bitartean bibliotekan izango diren ipuin-kontalarien berri ematea nahi dizuegu. Saioak ostiralero arratsaldeko 6etan haur bibliotekan izango dira eta haur irakurzaletasuna suspertzeko kanpainaren barruan kokatzen dira, hona hemen egutegia:

Urriak 25: Hiruki taldea
Azaroak 8: Rosa Maria Martinez
Azaroak15: Itziar Zubizarreta
Azaroak 22: Oihulari Klown taldea
Azaroak 29: Muxerenga taldea
Abenduak 5(osteguna): Alaitz Muro
Abenduak 13: Itziar Zubizarreta
Abenduak 20: Rosa Maria Martinez (Ipuin kontalaria + txotxongillo emanaldia)
Abenduak 27: Oihulari Klown

Beste barik, zerbait gehiago nahi izanez gero jar zaitez bibliotekarekin harremanetan, poz handiz argituko ditugu zure zalantzak.