Azken Agurra IV. testamentu-gutun lehiaketa

Azken Agurra 2002 IV. Testamentu gutun lehiaketa: Baldintzak

• Idazlanek euskaraz beharko dute izan.
• Parte hartzeko ez dago adin mugarik.
• Lanek argitaratu gabeak, saritu gabekoak eta orijinalak beharko dute izan.
• Idazkiek testamentu edo behin-betiko agur gutunaren forma izatea hobetsiko da.
• DIN A4 formatuan. Eskuz (irakurtzeko moduan), makinaz edo ordenagailuz idatzita. Bi orrialde baino luzeago ez.
• Idazlanari izenburu edo lema bat jarri eta goitizenez sinatu. Datu pertsonalak aparteko gutunazal batean sartu (Izen-abizenak, helbide osoa eta harremanetarako telefono bat) eta lanarekin batera bidali.
• Lanak entregatzeko epea: 2002ko urriaren 11. Email bat bidaliz bolobolo@euskalnet.net helbidera edo helbide honetara idatziz: Ondarroako Udala. / Azken Agurra Lehiaketa. / Euskara Zerbitzua. / 48700 ONDARROA
• Emailez jasotako lanak antolatzaileok prestatuko ditugu epaimahaiari entregatzeko, diskrezioa bermatuz.
• Bi sari: Lehena, 300 euro eta "Bolo" oroigarria, Euskal Herriko onenari. Bestalde, 150 euro eta "Bolo" oroigarria, Ondarroako onenari.
• Kultura munduko hiruzpalau adituk osatutako epaimahaia bilduko da eta honek erabakiko du nortzuk diren irabazleak. Epaimahaikoen erabakia eztabaidaezina izango da.
• Sari banaketa: 2002ko urriaren 31a, osteguna (Domu Santu egun bezpera), iluntzeko 8:30etan, Ondarroako Kafe Antzokian.
• Lehiaketan parte hartzeak arau hauek onartzea dakar.

BOLO-BOLO aldizkariaren esku geratuko da saritutako lanak argitaratzeko eskubidea, beti ere idazlearen izena aipatuz.

Beharrak urriaren 11rako egon beharko dira . Argitasun gehiago: Ondarroako Udalaren Euskera Zerbitzuan edo bolobolo@euskalnet.net posta elektronikoan.

Informazioa Ondarroako Udalaren webgunean