Telefonica-k berriro ere batasunaren webguneak zentsuratu ditu
Telefonica enpresa espainola-k guri pentsatzeko lana erreztu nahian edo, zer ikusi behar dugun eta zer ez politikoki zuzena inposatu digu. Atzera be Espainiako gobernuak adierazpen askatasuna nola ulertzen duen argi eta garbi erakusten digu.
Internet prestatua dago, haren zatiren bat matzuratuta egonda ere, informazioa trukatzen jarraitzeko. Baina zer gertatzen da Telefonica bezalako interneterako sarbide hornitzaile batek zer ikusi dezakezun eta zer ez erabakitzen duenean? Non dago egoera horretan informatzeko eta adierazteko eskubidea?
Gaur egun Telefonicaren konexioren bat erabiliz Batasunaren webguneak, bai batasuna.org bai batasuna-barakaldo.org, ikustea ezinezkoa da. Euskaltelena bezalako beste konexioren bat erabilita, ez dago inongo arazorik.
Berriro ere Telefonicak Garzonen lana egiteari ekin diola ematen du. Faxista honek lortu ezin duena, webguneak ixtea alegia, bere gain hartuz.
Telefonicari gogorarazi beharko diogu arazoak izkutatuz ez direla inoiz konponduko. Eta benetako arazo politikoari heldu bitartean hemen nola edo hala gure mezua adierazten jarraituko dugula.
Informatuta egoteko eskubidea osoa dugulako eta era berean Batasuna-k adierazteko beta izan behar duela sinistuta gaudelako batasuna.org eta batasuna-barakaldo.org webguneak ikusteko helbide pare bat bidaltzen dizuet.
Erantzunak
Alemaniako Internauta batek beste webgune bat zabaldu du Batasuna gaitzat duela. batasuna.de helbidean hauxe aurkitu daiteke gazteleraz idatzita:
- Por la libertad de expresion y pensamiento. No al delito de opinion.
> Telefonica eta gainerakoen neurri zoragarrien biktima bilakatu naiz.
Ez zara biktima bakarrik ADSLarekin ezin duzulako edozein zerbitzarirekin posta elektronikorik bidali. Pentsatzen dut zuk ordainduko duzuna ez dela txantxa, beti ere kilometrotxo batzuk haraxeago ordaintzen ari direnarekin.
Iparraldean, zuk duzun abiaduraren bikoitza izanda, ADSLa gutxiago kostatzen da:
- Hegoaldean, 256 Kbps-ra doan ADSLa 39 euro ordaintzen da.
- Iparraldean, berriz, Free frantziar etxeak 30 eurogatik 512ko abiadura duena ematen ari da.
Euskalteleko konexio bat erabiliaz atzotik honera ezin izan dut goian aipatutatako webguneak ikusi. Eta galdetutako lagunek arazo berdina daukatela diote.
Euskaltel ere animatu ote da zentsuraren gurdia gidatzera??
Hau benetan horrelakoa balitz, arazo honen atzean erabaki politiko bat dagoela argi eta garbi geratuko litzateke.
Euskaltelekin arazoak dituen gehiagorik?
ADSLa paratu berri dugu lantokian. Interneten ibiltzeko azkartasunean irabazi bai, baina orain arteko posta elektronikotik ezin izanen dut mezu gehiago bidali. Telefonica eta gainerakoen neurri zoragarrien biktima bilakatu naiz
ADSLarekin ezin dut edozein zerbitzarirekin posta elektronikorik bidali. Jazzfreerekin nuen orain arteko kontua, baina aurrerantzean kontu horrekin mezuak jaso baino ezin izanen dut egin, bidaltzeko Telefonicaren kontu bat, edo honekin akordioren bat duen konpainiaren baten kontutik egin beharko dut. Ya.com Telefonicaren konpetentzia denez... izorrai!