Konputagailu-sareak, euskaraz

Idazleak, irakaslea eta ikertzailea den A. S. Tanembaumek, konputagailu-sareen barrukoak jorratzen ditu liburuan, hardware kontuetatik hasita gehien erabiltzen diren sare-aplikazioetaraino heldu arte. Kapitulu bakoitzean, beharrezkoak diren oinarrizko printzipioak sakonki aztertzen dira lehenik, eta ondoren Interneteko TCP/IP sare-arkitekturan horien aplikazio errealak azaltzen dira.

Interneten funtzionamendua ulertu nahi dutenentzako libururik aproposena da hau. Dena dela, liburuak askoz gehiago eskaintzen du: transmisio-teknologiak, sare lokalak, sare-protokoloak, sareak elkarkonektatzeko gora-beherak, kriptografia, segurtasuna sareetan, multimedia sareetan, eta abar. Eta hori guztia Tanenbaumen irakurterraza, zuzenekoa eta freskoa den estiloan idatzita.

Liburuaren fitxa:

Titulua: Konputagailu-sareak
Egilea: A.S. Tanembaum
Itzulpena: Lide Azkue
Argitaletxea: UPV/EHUko argitalpen zerbitzua
Orrialde kopurua: 861
ISBN: 84-8373-412-5
Banatzailea: UNBE, Bilbo.
Salneurria: 44 €