IXA taldearen webgune berritua

Hogei informatikari eta hamar hizkuntzalari gabiltza lanean EHUko talde honetan. Code&Syntax enpresaren lankidetzari esker, software libreko Zope paketea erabili dugu bertsio berri hau egiteko.

Bisita ezazu gure helbidean: http://ixa.si.ehu.es

Euskaraz eta ingelesez dagoen gune honetan datu hauek lor ditzakezu:

• Egin ditugun produktuen deskribapena (Xuxen zuzentzaile ortografikoa, Elhuyar hiztegia Word2000rekin batera erabiltzeko plugina, EDBL datu-base lexikala, Interneteko bilaketak lemen bidez egiten duen GAIN bilatzailea, ...)
• Argitalpenak. Konferentzia zein aldizkari zientifikoetan aurkeztu ditugun artikuluen testuak gaika sailkatuta (euskaraz, gaztelaniaz eta ingelesez)
• Estekak
• Enpresa bezeroak eta kolaboratzaileak
• Lengoaia Naturalaren Prozesamendurako nazioarteko erakundeak
• Gurekin harremana duten ikerkuntza-taldeak.
• Hizkuntza-baliabideak nondik lortu interneten (euskaraz, ingelesez eta gaztelaniazkoak).
• HIZTEK: Hizkuntza-Teknologiak masterra.

Eta gainera: taldekideen zerrenda, ikerlerroak, finantzatutako ikerketa-proiektuen zerrenda eta azken momentuko berriak.

Gune berria prestatzeko garaian bi laguntza azpimarragarri izan dugu: Code&Syntax enpresarena eta Ales Zabala Shagi Informatikako Fakultateko ikaslearena.

Gunea Zope paketean dago oinarritua. Software libreko pakete honek ederto errazten digu informazioen eguneraketa: taldeko guztiok modu errazean sartzen ditugu datu berriak, eta gainera Interneten bidez, bai fakultatean bai beste edonon.