Teknologia albisteak

Irailak 11, Demolizioen Eguna

Taxi Driver - from the streets of Manhattan

2002-09-12 : 10:09

Barkatu atzerapena, baina atzo oso okupatuak geunden taxista eroak Manhattango zerogunearen inguruetan. Bueno, hau zen esateko atzoko eguna Demolizioen Nazioarteko Eguna izan zela. Bai. Batzuek boluntarioak erabiltzen dituzte horretarako, baina profesionalak ere badaude, lanbide horretan sekulako emaitzak ziurtatzen dituzten enpresa serioak. Etxeorratz bat bota behar duzula? Geuk eskaintzen dugu zerbitzua!

Controlled Demolitions etxearen webgune zoragarri honetan sekulakoak ikusten dira:

Argentina bota zuten antena metalikoarena . Dorre Bikiak baino ehun oin txikiagoa, bakarrik. Record profesionala, beraz (ez amateurra).
J.L. Hudson almazen handiak , Detroit-en, bolumenez bota izan den eraikinik handiena.
Tximinietan berezituak, ikusi Nevadako erraldoia, sekula lurrera bota den haundiena, zuzen-zuzen alboratu eta eroritakoa (behar den bezala).
Zubiak ere bai , noski. Ea zenbat hegazkin beharko lituzketen al Qaedakoek hori berdintzeko...

Internet aspergarria dela esango dute gero batzuek.