eGipuzkoa 2005 plana Bruselan aurkeztua
Planak gipuzkoarrak informazioaren gizartean sartzea du helburu. Atzo Foru Aldundiaren azalpenak entzun ondoren, Europako Batzordeko ordezkariek aurkeztutako lehenetarikoa dela adierazi zuten.
Gipuzkoako Foru Aldundiko espedizioak esku artean duen plan baten berri ematera joan zen atzo Bruselara. Euskal ordezkariek planaren nondik-norakoak Europako Batzordeko Eskualde Politikako Zuzendaritza Orokorrari azaldu zizkioten. Batzordeak positibotzat jo zuen egitasmoa, baita aurkeztu dioten lehenetarikoa dela adierazi ere. eGipuzkoa 2005aren onuradun nagusiak ETE (Enpresa Txiki eta Ertainak) izango dira, baina gizartean teknologia berriak txertatzea ere nahi du.
Arratsaldean, berriz, espedizioa eForum sareko kideekin bildu zen. eForum administrazio eta enpresa pribatuen topagune bat da, eta esperientziak elkartrukatzeko baliagarria. Gipuzko Foru Aldundiak bertan sartzea aztertuko du.
/cache/Udako-Ola-2024_1_small_content.jpeg)
Erantzun
Sartu