Dirulaguntzak enpresendako
Bizkaiko Foru Aldundiko Ekonomi Sustapen Sailak teknologia berrietan inbertitu nahi duten enpresei dirulaguntzak eskainiko dizkie, eBaltzuak eta SustatuKide programen bidez. Iralean bertan amaituko dira izena emateko epeak.
SustatuKide
Bizkaiko Foru Aldundiko Ekonomi Sustapen saila da programa hau prestatu duena. Egitarauak teknologia oinarri aurreratua duten Bizkaiko enpresa berrriei zuzenduta dago. SustauKide zure enpresa berriarendako berariaz pentsatuta dago. Oinarriak. Izena emateko epea irailaren 16an bukatuko da.
EBaltzuak
Programa hau ere Bizkaiko Foru Aldundiak prestatu du. Helburua enpresetan negozio elektronikoa ezartzea da. Horretarako konponbide informatikoak garatzeko, ekipamendu inbertsioetarako eta trebakuntzarako dirulaguntzak emango dira. Onuradunak 100 langiletik beherako Bizkaiko enpresak dira. EBaltzuak kostuen erdia bere gain hartuko du, eta gehienez 20.000 euro emango ditu. Oinarriak. Eskaerak aurkezteko epea 2002ko irailaren 30ean bukatuko da.
INTEK
INTEK programan izena eman nahi dutenek ezin izango dute oinarriak interneten bidez jaso, oraingoz behintzat. Izan ere, www.spri.es eta www.eragintza.net webguneetan ezin da informaziorik jaso. Lehenengoan ezin dira oinarriak kontsultatu, eta bigarreneko portadak ez du webgunean sartzeko aukerarik ematen.
Akatsak zuzentzen:
Eusko Jaurlaritzak abiarazitako INTEK programaren oinarriak interneten ezin direla aurkitu idatzi dugu lehen. Ez da hala: Euskadi.net-en aurkitudko dituzu argibideak.