"Txistu y tamboliñ" berpiztu zaigu
Oraingoan, ordea, internet bidez gozatu beharko ditugu aldizkari literario-satiriko honen artikuluak, ipuinak eta itzulpenak. Editorialak ere oso mamitsuak dira.
Txistu y tamboliñ berriak aurreko etapako filosofiari eutsiko dio. Hau da, umorea eta sexua osagai nagusi diren artikulu, poesia eta bestelakoak eskainiko ditu. Gainera, interneten jarritako lehen zenbakian argi eta garbi ageri zaigu TXTko lan-taldea indarberriturik datorrela. Bertako editoriala irakurtzea baino ez duzue hori frogatzeko.
"Txistu y tamboliñ"-ekin kolaboratu eta bere lanak bertan plazaratu nahi duen orok ateak parez pare zabalik ditu. Izan ere, aldizkariko lan-taldeak gogokoen dutena elkartu eta olerki, ipuin eta txistukadekin mozkortzea da.
TXT gustuko dutenek, gainera, aurreko etapako zenbakiak Armiarman aurki ditzakete.
"Txistu y tamboliñ"ekokin hitz egitea nahiko nuke elkarrizketa bat egiteko. Ahalegindu naiz euren webgunean agertzen den e-postarekin, baita telefonoz ere baina ez dut ezer lortu. Norbaitek ba ote daki nora jo nezakeen?