Mayor Oreja, euskaldun eraginkorrena Espainian
Justu oporretara joan ginenean, Madrilgo aldizkari batek argitaratu zuen sailkapen bat, Los Españoles Más Influyentes, eta 100 pertsonaren izenak eman zituen. Tartean zortzi euskaldunena. Hauetatik puntakoena, Jaime Mayor Oreja, 16. agertu zen. Zein tokitan uste duzue jarri zutela Ibarretxe lehendakaria?
Actualidad Económica aldizkariak argitaratu zuen zerrenda dontsua, abuztuko ale berezian. Puntaren puntan José María Aznar agertzen da, Espainiako gobernuaren presidentea. Bera bezala, lehen hamarren artean, erdia politikariak dira. Bankariak eta enpresarioak ere, ugari. Emakumeak, berriz, urri: sei baino ez.
LEHEN BOSTAK
1- José María Aznar, Espainiako Gobernuko lehendakaria.
2- Emilio Botín, BSCH bankuko lehendakaria.
3- Rodrigo Rato, Ekonomia ministroa Espainiako Gobernuan.
4- Jesús de Polanco, Prisako lehendakaria.
5- J.L. Rodríguez Zapatero, PSOEko idazkari nagusia.
EUSKALDUNAK
Ehundik zortzi euskaldun baino ez dira agertzen sailkapen honetan, denak gizonak. Interesgarria jakiteko nola ikusten gaituzten espainiarrek eta zein lekutan jartzen gaituzten.
16- Jaime Mayor Oreja, PPko koordinatzaile nagusia.
24- Xabier de Irala, Iberia aire konpainiako lehendakaria.
25- Xabier Arzalluz, EAJko lehendakaria.
29- Iñaki Gabilondo, SER irratiko kazetaria.
47- Emilio Ibarra, BBVA bankuko lehendakari ohia.
64- José María Bergareche, El Correo taldeko kontseilari ordezkaria.
66- Juan José Ibarretxe, Euskadiko lehendakaria.
73- Jesús Ceberio, El País egunkariko zuzendaria.
Erantzunak
Beste hainbat euskalerritar influiente bururatzen zaizkit niri:
Hala nola:
Roger Etxegarai kardinale ezpeletarra
Michel Camdessus globalizadore ipartarra
Pedro Miguel Etxenike erronkariko Einstein
Sebastian Laboa diplomatiko pasaitarra
Xabier Etxebeste iruinseme Yahootarra
Iñaki Urdangarin gasteiztar borboneratua
(And family, of course)
Eta zer? Influienteetako nork egingo du egiazki gure herriaren aldeko lana, gatazkaren konponbidean esaterako?
Euskal Herritik kanpo bizi diren herrikoseme ilustre hoien artean... Eztakipaaa...
Hobe influentzia eta estatusa gure herriaren aldeko lanean balazta ez baina akuilu balute... Baina beldur naiz hain zuzen euren posizioaren baldintzetako bat ez ote den deus ere ez egitea "stabilishment"az kanpo.
Norberak bati edo besteari dion maitasun/gorrotoa alde batera utzita, seguru asko zuzena da zerrenda, eraginaren kontu horri dagokionean. Nik behintzat ez nuke Ibarretxe gorago jarriko. Bai ordea Jose María Bergareche, edo bere sozio Alejandro Echevarría. Emilio Ibarrak ere gorago beharko zukeen, azken orduko deskalabrua izan ez balitz. Irala, berriz, ez dakit horren goian egotekoa den, abioian ibilita ere (igual ni erabiltzailea ez naizelako). Eta gaizto jarrita erantsiko nuke, izen-abizen batzuetara mugatzea zaila bada ere, aipatu ezin den erakunde armatuko buruak ere dexenteko eragina duela Espainiako gorabeheretan.