Asereje deje... ...petabyte, terabyte
Egia esan, nik jakin dudanean Byte eta bit eta kilobytetik harantzago ere badagoela neurririk "asereje" famatua etorri zait burura. Nork ezagutzen du zer den Zettabyte? Edo altuagoa den neurririk ezagutzen duzu? Zer neurtzen dute horrekin?
Baliteke "listo"ren batek eskolan ikasi izana horrelakorik. Niretzako "aurkikuntza" izan da Peta byteak, edo hobeto idatzita Petabyteak daudela jakitea. Zeudenik ere! Gure lagunen bat pozik egongo da irakurtzearekin batera, izan ere, peta kontu hori...
- Yottabyte bat 1024 Zettabyte
- Zettabyte bat 1024 Exabyte
- Exabyte bat 1024 Petabyte
- Petabyte bat 1024 Terabyte
- Terabyte bat 1024 Gigabyte
- Gigabyte bat 1024 Megabyte
- Megabyte bat 1024 Kilobyte
- Kilobyte bat 1024 Byte
- Byte bat 8 bit
- eta azkenik, bit bat 1 edo 0 izan daiteke
Ezagutzen dituzu neurriok? Ba esan dezakegu hitz batek 100 byte dituela, edo karaktere batek 10. Ipuin motz batek izan dezake kilobyte bat inguru. Orri mekanografiatu batek 10 kilobyte... nobela motz batek 1 megabyte, erresoluzio altuko argazki batek 5 megabyte, mamograma digital batek 100 megabyte, fidelitate altuko soinudun CD batek 1 gigabyte,
Orduan, 1 terabyte zerk izan lezake?
Eta 20 petabytetan zer sartzen da?
Ausartzen zara erantzutera?
Erantzunak
Egia esan 11 zifra egokiagoa litzateke jakituriaren kontu honetan.
Bata zein bestea ere inozo hutsak izan daitezkeela alegia. Bat gehi bat, hamaika.
Bestela bere umeaz batere harro ez zegoen aita iletratuarena kontatuko dizuet: Semea New Yorken zegoen estudiatzen. Aita berriz, lagunekin poteatzen auzoko tabernan.
-Nire semeak orain "suajili" ikasi behar omen dik.
-Etzak esan!!
-Bai motel, Afrika beltzean nagusi den hizkuntza. Eta lehendik beste hiruzpalau zekizkik: Frantsesa, ingelesa, alemana, esperantoa...
-Joder... Hori bai mutila!! Urruti iritsiko duk gero...
-Etzak pentsa, hizkuntza asko jakinagatik orain ere beti bezala iñuxente hutsa duk eta...
Orduan kanpoan utzi duzun 12.aren masa kritikoa aldarrikatzen jarraituko dut:
12. jokalaria, munduari jira eragiten diona, 40 printzipalen, MTVren... kapitalismoaren pentsu eta produktua, dena bat:
12: Iñuxenteak.
Eutsi goiari, ezen ekonomiak ezin baitu gu gabe funtzionatu.
"Ergelenek gehien erosten dute. Hauxe jokoaren araua".
"MTV antenatik at"
Negu Gorriak
Gai honen inguruan Alfontso Mujikak Elhuyar aldizkarian idatzitako artikulu interesgarri bat gomendatuko nizueke. Hemen irakurri dezakezue