Nafarroa Oinez: eros ezazu denbora Erriberarako

Gure webgune berrian izango duzu kanpainaren berri, baina laburtuz:

Lehenik, arlo ekonomikoa. Urriaren 20an Nafarroako Ikastolen festa honetara hurbilduko diren milaka eta milaka lagunek egingo dituzten diru ekarpen guztiak. Diru laguntza horrez baliatuko gara ikastetxea handitzeko eta zerbitzu hobeez hornitzeko, gure hizkuntz ereduak behar duen hezkuntza kalitatea eskaintzeko asmoz.

Bestetik, Erriberan zehar euskararen erabilpena bultzatzeko eta hedatzeko helburua erdiesteko urratsak emango genituzke. Horrela, ikastolan gero eta gehiago izango diren ikasleen bidez zabalduko litzateke gure hizkuntza, euskaldunon sarea hedatuz. Beraiek izango baitira, euskararekiko maitasuna eta bere aberastasuna kutsatuz, datozen gazte belaunaldietan gure Lingua Navarrorum bizirik mantenduko dutenak.

Muga guztien gainetik, horixe da gure leloa. Erriberan dagoen egiazko hezkuntza eskaerari erantzun ezin egokiagoa eman diogulako azken 18 urteetan. Hizkuntza politika oker eta baztertzaile batek eremu ez euskaldunean kokatu gaituen arren. Alegaltasun egoera batean bizi garen arren. Orduan hartutako konpromezua ozen eta argi adierazten jarraitu nahi dugu: euskara hutsezko hezkuntza jasotzeko zilegizko eskubidea eskaini nahi diegu Erriberan bizi diren herritarrei. Hau guztiarengatik, kanpaina solidaria hau egiten dugu,erosketa solidario bat baino ez da.

Erosketa webgunetik egiten da

Bakarrik, lagun artean edota lankideen artean egin dezakezue. Horrela zuek ere zuen apurra emango duzue Argia Ikastolak Oinezekin markatutako helburuak lortzeko, hau da, euskararen erabilera bultzatu eta ikastetxeko azpiegiturak hobetu.

Erosketa sinboliko bat izan arren, Oinezeko logotipoa duen hondarrezko erloju bat jasoko duzue web. orrialdean jarritako helbidean. Zer dela eta hondarrezko erlojua? Erlojua erositako denboraren unitatea batetik eta bestetik hondarraren jaitsieraren sinbolismoa, solidaritatezko mendiak apurrez apur gure ametsak betetzen lagunduko gaitu. Sar zaitez webguneko atal honetan eta bete han eskatzen zaizuen galdetegia. Ordainketa txartelaren bidez. Garraioaren gastua barne.