Aramaioko I Uda Ikastaroa: "Europako hizkuntzen inguruan: iragana eta oraina"
Arabako Foru Aldundiaren Kultura Sailak eta Aramaioko Udalak, Euskal Herriko Unibertsitatearen laguntzarekin, I Uda Ikastaroa antolatu dute, izen honekin: "Europako hizkuntzen inguruan: iragana eta oraina". Ikastaroa Aramaion izango da, 2002ko uztailaren 1etik (astelehena) 5era (ostirala), arratsaldez, 4etatik 8.30ak arte
Ikastaro honen helburua Europako hizkuntzen gainean argibidea ematea da, historia-ikuspegia oinarri delarik, baina -hizkuntza hilen kasuan izan ezik, jakina-, egungo egoera aztertuz. Arreta berezia ipiniko da hurbilen ditugun hizkuntzetan.
Hamasei irakasle ezagunek emango dute Ikastaro hau. Jende guztiari dago irekia, zeinahi den bakoitzaren hezkuntza-maila, baina Filologiako ikasleentzat da oroz gain interesgarria.
Ibarreko Kultura Etxean izango da Ikastaroa. Hitzaldiek 50 minutu iraungo dute, gutxi gora behera. Elkarrizketa azken orduan izango da, hitzaldi guztien ondoren. Atsedenaldi bakarra egingo da, 20 minutukoa.
Zenbait hitzaldi euskaraz emango dira. Aldi bereko itzulpen zerbitzua eskainiko da.
Euskal Herriko Unibertsitateak aukera askeko 2 kreditu eskaini ditu. Bestalde, parte-hartze egiaztagiriak eskatu ahalko dira. Izen-ematea 6 kostatzen da.
Argibidea eta izen-ematea: Aramaioko I Uda Ikastaroa. Hurbil Kulturgaiak. 160 posta kutxa. 20550 Aretxabaleta.
Telefonoa: 943 71 42 08. Faxa: 943 71 47 08. Posta electronikoa: hurbil-kultur@teleline.es.
Kontu zenbakia: Vital Kutxa, 2097-0150-97-0008091449.
Erantzun
Sartu