Hari@ berria eta Gure Agenda, Sareko Argiaren ardatz eta atari

Gaurtik aurrera www.argia.com helbidean sartzen bazarete, eduki eta itxura aldetik egindako berrikuntzak aurkituko dituzue:

• Hari@: prentsa idatzian plazaratutako albiste, iritzi, adierazpen eta Aldizkari Ofizialetako deialdiak jasotzen dituen bilduma osatua eskaintzen duen buletin elektronikoa da. Iritzi, adierazpen eta deialdiak ere landuko ditugu hemendik aurrera eta hari@ren ohiko sailkapenaren arabera antolatuta agertuko dira.
• Kanalak: Hari@ren atalak, kanal bihurtzea da gure hurrengo erronka. Momentuz, Literatura, Administrazioa eta Euskarri elektronikoen kanalak jarri ditugu martxan.
• Lagun bati bidali: formulario bidez, berri bakoitza lagun bati bidaltzeko aukera duzue.
• Bilaketak: egun bakoitzeko berriak irakurtzeaz gain, aurreko egunetako datu base historikoa kontsulta dezakezue. Bilaketak modu errazean egiteko egokitu dugu hari@ren bilatzailea.
• Gure Agenda Euskal Herriko kultur ekitaldiak biltzen dituen Gure Agendaren gomendioaren berri emango dizuegu egunero.
• Orain arte bezala, harpidetza bidez hari@ e-postaz jasotzeko aukera izango duzue.

Aldaketa hauekin Sareko Argiak zerbitzu hobe bat eskainiko dizuela ziur gaude. Badakizue, bestalde, zuen iritzi eta iradokizunak eskertuko ditugula.

Sareko Argia.