Umeek 8.000 erailketa ikusten dituzte
Beldurgarriak dira zifrak. Umeek, lehen hezkuntza amaitu orduko 8.000 erailketa ikusten dituzte telebistan. Hemezortzi urte egiten dituztenerako 200.000 biolentzia eszena ikusi dituzte. Telebistarik bariko eguna bultzatzeko nahikoa datu, ezta?
Teleikusleen elkarteak egin du deia. Maiatzaren 10ean izango da telebistarik gabeko eguna. Aurtengoan gaia biolentziarekin lotura dago. "Bakea eragiteko" leloarekin egingo da telebistako hainbat irudiren egokitasun eza salatzeko eguna. Egia esan, ohikoa da erailketak ikustea telebistan, baina zifrak ohikotasun hori kuantifikatzen dute. 16.000 erailketa ikusi daitezke hemezortzi urte bete orduko.
Teleikusleen elkartekoek esaten dutenez: biolentzia normala izatera heldu da eta ikuslea ohitu egin da biolentzia irudi pila horrekin bizitzera. Erresuma batuko eredua hartu beharko litzateke. Han, mozkinetan kalterik jasan gabe ere, filtro batzuk aplikatu dira biolentzia irudiak gutxiago izan daitezen.
Ez da telebistaren aurkako eguna izango, baizik eta kalitatezko telebista baten aldekoa eta bereziki biolentziaren kontrakoa.
Erantzunak
Indarkeria gero eta gehiagotan dugu begi aurrean, belarrian edo ahotan. Egia da baita ere gazte jendea erakartzen duen arrazoi nagusia indarkeria dela, errezago irakurtzen dira hilketak nagusi dituzten liburu, komiki, aldizkari.... eta zer esanik ez filmeak edo eta marrazki bizidunak!
Lehengo batean komentatzen zidan batek lehen umeak gustura asko joaten zirela Heidi edo Marko ikustera baina orain horiek jarri eta segituan aldatuko dute katea. Hori eskeintzen bada hori eskatuko da, beraz etorkizunean indarkeria ikusi edo irakurtzeko eskaria handiago aizan daitekeela suposa daiteke.
Horren aurka egin beharko litzateke eta modua telebistarik gabeko eguna bada aurrera egin beharko genuke. Nik uste horrleako ekimenek onura ekarriko dutela baina ez dut uste urtean egun bat bakarrik izatearekin ezer lortu daitekeenik. Hasteko ez dago gaizki!
Eta 65 urte bete orduko eta batez ere hortik aurrera zenbat erahilketa ikusten ote ditu teleikusle batek?
Zeren datuak harrigarriak dira. Sofres etxeak egindako ikerketaren arabera, 65 urtetik gorakoek egunean 5 ordu pasatzen dituzte telebista aurrean, hau da, 300 minutu telebistari so egunero. Gainontzeko ikusleok, berriz, 208 minutu. Hori ere ez da gutxi!!!
Adinez adin, hauek dira datuak: - 65 urtetik gorakoek 300 minutu.
- 45 urtetik 64 urtera: 241 m.
- 25etik 44ra: 188 m.
- 13tik 24ra: 150 m.
- 4tik 12ra: 143 m.
Sexuari dagokionez, gizonezkoek 198 minutu pasatzen dute telebista aurrean, emakumeek askoz gehiago: 234 minutu.
Beste datu bitxi bat: familian zenbat eta kide gehiago orduan eta telebista gutxiago ikusten da. Duda barik, aldamenean hizketarako gertu dauden zenbat eta gehiago izan, orduan eta hobeto!!!
Berriro itzuli egin dira telebista zein txarra den gogoraztera.
Nola egin dute ikerketa hori? Zenbat hilketa ikusten dira egunean? Zein telebista katetan?
Horrek ez du importa, kontua zera da: telebista txarra da!
Nik beste irtenbide bat proposatzen dut, Libururik Gabeko Eguna. Eta ikerketa bat ere egin dut.
Ume batek hilean liburu bat irakurtzen badu, eta liburu bakoitzak 10 hilketa baldin baditu, 18 urte betetzerako 2160 hilketa "irakurriko" ditu. Beraz nik hemendik Libururik Gabeko Nazioarteko Eguna aldarrikatzen dut.