Konekta-Lan: Gipuzkoako Kutxaren ekimena

Kutxak lagundua izateko, gunea Gipuzkoan kokatutako enpresa batek egina behar du izan. Eta subentzioa jasotzeko, domeinu propioa erosi behar da (kasu honetan, Euskaltel-en eskaintza osagarri bat ere badaukate).

Subentzioa emango dute, behin gunea egin ondoren, hornitzailearen fakturak erakutsita. Konprobatu egingo dute ea orria badagoen, domeinu propioa duen, eta gutxienez 4 orriz hornitua dagoela. Era berean, eskatuko dute Kutxaempresas.net-eko enpresa direktorioan gehitzea egindako gunean.

Kutxak berak hala azaltzen du bere webgunean zer den Konekta-Lan:

------------

KONEKTA-LAN laguntzako ekimen bat da, Gipuzkoako denda eta saltegi, negozio, profesionari eta Enpresa Txiki eta Ertainei irekia, sektore hauek guztiak Internet-en integra daitezen.

Plan horrek zure negozioak Sarean urrutirainoko bidea egin dezan beharrezko laguntza guztia eskaintzen dizu:

• Doako aholkularitza zure negozioa Internet-en sartzeko eta horretarako behar duzun ekipamendu informatikoari buruz.
• Doako trebakuntza, zure negozioari Internet-en ahalik eta etekinik handiena ateratzeko eta on line bankuaren abantailak ezagutzeko.
• Bere egoitza Gipuzkoan duen edozein enpresak egindako zure web gune korporatiboa sortzeko kostuaren %75eko subentzioa (gehienez ere 300 euro).
• Internet-erako konexioa, abantailazko baldintzetan.
• Domeinua erosteko gestioak, zure enpresak Internet-en helbide propioa izan dezan.

KONEKTA-LAN plan malgua eta irekia da. Malgua da zuk zeuk hautatzen dituzulako nahi dituzun zerbitzuak, eta zeuk erabakitzen duzulako noraino iritsi nahi duzun. Eta irekia da, zerbitzuak zeuk nahi duzun hornitzaileekin kontrata ditzakezulako.