Teknologia albisteak

Hemen da berriz eguberria!

editorea - sustatu

2002-04-16 : 13:04

Eta denok ezagutzen dugun eguberria balitz gaitzerdi, baina birusa da. 2000ko abenduan agertu zena eta orain, apirilaren 12tik aurrera gogor jotzen diharduena. 24 ordutan 3.000 kasu antzeman ziren.

Ingalaterran eman dira kasuok batez ere, baina denok dakigu horrelakoak nola zabaltzen diren. Anti-birus zaharrek ez dute antzematen eta gomendioa, nola ez, antibirusa berriztea da.

Artxibo hau modu ezberdin batean konprimitua izan da eta zaildu egin da birusa dela antzematea. Bariante honek badu izena: Navidad E1-m deitzen da edo Eguberria E1-m. Berez, abenduko birusa, baina formatu ezberdinean.

Atxikitako artxibo bat darama, "emannuelle" izenekoa. Ikusten baduzu, badakizu ez duzula zabaldu behar.

Erantzunak

dooteo

2002-04-17 : 15:31

Albiste honetan gauza bat zehaztu beharko da: Microsoft Windows sitema eragilean eragiten duela.
Ez dut uste MacOS X edo GNU/Linux bezalako sistema eragileengain eraginik duenik. ; )

Dooteo

------------------------

www.euskalgnu.org