Hispalinux-en biltzarra Donostian
Hispalinux biltzarraren V. edizioa Donostian ospatuko da, eta data ziurrenak urriaren 11, 12a eta 13 izango dira. Euskal-Linux ORG eta Hispalinux dira antolatzaileak. Birtualki ere bidali ahal izango dira ponentziak.
Hispalinux-en biltzarra, dagoeneko V.a izango dena, Donostian ospatuko da aurten, eta jakinarazi dutenez data ziurrenak urriaren 11, 12 eta 13 izango dira: software librea edonondik.
Software librearekin lotutako fororik garrantzitsuena da dudarik gabe. Bai behintzat gazteleraz jarduten duten herrialdeetan. Informatikarien arteko kooperazioa bultzatuko da biltzarrean eta jakintza elkartrukatuko.
Fisikoki joaterik ez duenek ere aurkez ditzakete ponentziak, nola ez, birtualki. Nola bidali? Zein formatutan? aurrerago jakinaraziko dute antolatzaileek jarri duten webgunean. Dena den DocBook/XML formatua behintzat onartuko da. Ponentziak aurkezteko epea ekainaren 30a izango da. Hilabete inguruan epaimahaikoek balorazioa egingo dute bidalitakoaren gainean eta ondoren, irailaren 10erako ponentzia osatua entregatu beharko da.
Biltzar horren antolatzaileak elkarlanean Euskal-Linux ORG ORG eta Hispalinux dira.
Dagoeneko, biltzarrean landu beharreko txostenen eskaerak martxan daude. Zalantzarik baduzu, idatzi congreso-ponentes@hispalinux.es helbidera.
Erantzunak
Internet errealitatearen islada binarioa dela esaten omen da Kasu honetaz errealitate espainola esan beharko.
Bere buruari "Euskal (herriko) Linux" izena jarrio dion talde batek Espainiako bere "anai handiari" harrera egiten ikusi behar dugu oraingoan non eta Donostian.
Eta oso oker ez banago ez da lehen aldia.
Ipar Euskal Herria noski pikutan dagoenez....
Ederki galbitza!
Baldintzetan esaten dute txostenak espainolez idatzi behar direla, baina beharbada onartuko dituztela ingelesez idatzitakoak.
Euskara non geratuko da biltzar honetan?