Indymedia EH aurrera doa, posta-zerrenda eta guzti
Indymedia Euskal Herria... Bai. proiektu hau ba doa eta gutxinaka indarra hartzen ari da. Momentuz gure talde teknikoaren menpean gaude....
(informazio hau beste artikulu baten erantzunean sortu da, baina duen interesagatik, lehen orrira ekarri dugu)
Indymedia bezalako portal bat osatzeko, MIME formatoa (bideoa, soinua, multimedia etc...) sustengatzen dituzten softwarrak saiatu behar ditugu. Horretan dihardu gure talde teknikoak. Alemanian sortutako MIR izeneko kode batekin borrokatzen ari dira. MIR kodea ez da php edota SQL oinarritzen, JAVA aplikazio bat da baizik, eta html sortzen du, horrela pisua kendu nahi dute serbidoreengandik. Behintzat horrela explikatu zidan teknikari batek.
(Indymedia sareko gune gehienak Active softwarearekin eginak daude, baina batzuk MIR plataforman oinarrituta daude; bi sistemak dira software librea).
Halaere ez dakigu zer egingo dugun. Serbidorea aukeratu behar dugu eta hori egin baino lehen zein software erabiliko degun erabaki behar dugu. Halaere bitartean gainontzekoak (alegia, teknikarien hizkuntza ulertzen ez dugunok) lanean dihardugu. Momentuz eginiko guztia edota gehiena web orri honetan azaltzen dugu.
(Gune horretan informazio majoa daukazue, denetarik apur bat: proposatutako logoak , FAQ edo galde-erantzunen atal bat ...)
Ba dugu posta zerrenda bat imc-euskalherria@lists.indymedia.org. Zerrenda horretan sartzeko hemen duzu tokia harpidetzeko. Norbaitek gurekin kontaktuan sartu nahi baldin badu, aski du zerrendara mezu bat igortzearekin argi esanda MIG (Medio independienteen gunea) euskalherriarekin kontaktuan sartu nahi duela esanez.
Datorren ostiralean aurkezpena egingo dugu Baionan, hango taldeekin hitzegiteko ea zein lirateke beraien eskaerak etab. Iruñean ere ba dago taldetxo bat aurkezpenak egiten, eta Bilbon ere talde bat dinamizatzen ari da zenbait ekitaldiak. Joan den hilean, Alemania Indymediako partaide batek egin zigun bisita eta Indymedia zer den aurkeztu zuen Likiniano liburutegian, Errenterian.
Laister bakoitzak eginiko lanen koordinaketa egiteko bilera bat ospatuko dugu EH mailan. Bilera hori datorren bi astetan egitea erabaki dugu baina ez dakigu zehazki non ezta noiz egingo den.
Nazioarte mailan Indymedia kolektibo globalaren barruan onartuta gaude urtarrilaren 25etik.
Gure eztabaiden artxibategia lists.indymedia.org orrian aurki ditzakezue, zehazki, hemen . Gure eztabaidak beti irekiak eta transparenteak dira, horretan oinarritzen bait dugu komunikazio horizontala bultzateko tresna.
Datorren ekitaldien berri ematera etorriko naiz sustatu.com-eko lagunek jakin dezazue zertan gabiltzan.
Zorte on Indymedia EH-ri. Beharko du. Proiektu honek jasango dituen presio politiko, mediatiko eta era guztietakoak toreatzeko prest zaudete, eta bejondeizuela. Gaia hankasartze batekin azaldu da Barrapunton, eta sortu den zalapartak erakusten du ze atmosfera pozoitsu arnastu beharko duen Indymedia EH-k planetaren lurrazalera irteten denean.