Donostiako II. Antzerki Saria

Datorren asteazkenean, martxoak 27, Donostiako II. Antzerki Saria entregatzeko ekitaldia egingo da Antzoki Zaharrean. Donostiako Udalak bigarren urtez ematen duen sari honen irabazlea Vaiven taldearen "Lotsa gabe" antzerki lana izan da.

Saria 9.015 eurotakoa da eta irabazleek bereziki horretarako egindako Jose Ramon Amundarainen eskultura ere jasoko dute.

Asteazkenean egingo den ekitaldian Amaia Uranga eta Iñaki Salvador musikariek eta Vaiven taldeko aktoreek hartuko dute parte, gero saria emango du Donostiako alkateak eta atsedenalditxo baten ondoren, "Lotsa gabe" antzerki lana eskainiko da.
Sarrera dohainik da eta bidali diren gonbidapenez gain (horiek telefonoz konfirmatu behar dira) jendeak Antzoki Zaharreko lehiatilan eskuratu ahal izango ditu sarrerak astelehenetik asteazkenera 11.30etatik 13.30etara eta 17.00etatik 20.00etara.