Newroz, kurduen eguna gaur
Duela mende asko ospatzen dute kurduek beren aberri eguna, Newroz deitua. Kafe Antzokiak gertu sumatu izan du Kurdistan nazioa, eta, elkartasuna adierazi eta kurduen eguna ospatzeko, Kawa taldea arituko da gaur 22.00etatik aurrera. Talde honetako lau musikariek Kurdistango musika eta folklorea batzen dituzte beren abestietan.
Izatez Newroz kurduen urte berria da, eta udaberriko solstizioarekin bat etortzen da. Newrozek neguaren eta ilunaren amaiera ospatzen du eta argiaren bidezko naturaren birsortzea adierazten.
Ospakizun hau oso aintzinakoa da, erlijio zoroastrikoaren arabera ongia eta gaizkia, argia eta iluna indar kontrajarriak dira, mundu naturalean beti presente eta beti gatazkan.
Newrozek Kawaren mitoa ere gogorarazten du, Kawa Dohak tirano gaiztoa menderatu zuen errementaria zen, eta herria askatu zuen horrela. Mitoak egun konnotazio modernoak ditu, herri kurduak borrokan jarraitzen duelako bere nortasunaren eta bere kulturaren ezagutza lortzeko.
Erantzun
Sartu