Teknologia albisteak
6

Nire iMac-a zoragarria da!

Erabiltzailearen aurpegia
I. Arantzabal - Elgeta
2002-03-12 : 10:03

Nire iMac-ean DVDak grabatu daitezke eta baita Cdak ere. Piratei gomendatuko nieke horrelako makina bat. Bueno, etxeko piratei e? Ez top-manta horiei. Polita, erosoa eta "merkea" da.

Egia esan, nik erosi dudana merkatuan dagoen iMac bizkorrena da, 800Mhz-tan dabil, hau da, lehen G4a zebilen moduan dabil. Apple-ren orrian duzu hobeto azalduta.

Uste nuen beso hori txoropitada bat izango zela, baina nire harriduradarako erabilgarritasuna errazten du, pantaila gura den neurrira jartzea eta anguloa aldatzea ez da gutxi. Hori guztia atzamar batekin.

Eta lekua? Ba oso leku gutxi hartzen du eta gure etxe txikietan (nirea hala da) oso kontuan hartzekoa da.

Ez da notizia berria. Lehen ere izan da eztabaida eta han irakurritakoak konbentzitu ninduten eta orain etxean dudala, are gehiago.

Diseinu elegantea, prestazio onak, prezio hobea (2.608,13 eur.), erabilgarritasun handiagoa, baina honek ere flipatzen du. Atzo bertan flipatu zitzaidan eta nondik itzali ez! Entxufea atera behar.

Erantzunak

Eneko
2002-03-12 : 17:32

Ba nahiko potra izan duzu bat eskuratzerakoan....


Irakurri dudanez, hain onak direnez hamaika arazo dituzte eskaerak betetzeko (pantaila lauen faltan omen daude) eta eskaintza eta eskaeraren legeari jarraituz, prezioak igotzea pentsatu dute!


Luistxo
2002-03-12 : 18:38

>

> Entxufea atera behar.



Entxufea behar du gainera? Ze trasto atzeratua...



Ilada handiak daude Elgetan zure etxetik pasatu eta iMac-a ikusteko?



Ondo ikusten da Sustatu?

Iban
2002-03-12 : 20:34

> Ondo ikusten da Sustatu?



Oso ondo ikusten da Sustatu. Gainera, lanean dudan ordenagailua baino pantaila handiagoa du-eta... Eta oso-oso polita! desiatzen nago etxean lanean jarraitzeko ;-)



Azkar kargatzen da Sustatu, beste web batzuen aldean oso azkar, baina hori ez da izango nire iMac kuttunaren kontua, ezta?



Oraindik ez dut ordaindu ordenagailu marabillosoa, baina primeran dabilela behintzat badakit. Aukera ona egin dut, dudarik gabe.





Goio Arana
2002-03-12 : 20:54

Gero eta txat antza handiagoa hartzen diot nik Sustatu honi…


Por tzierto, Arrasaten autobusa antolatu dugu Elgetara joateko Ibanen ordenadorea adoratzen joateko… izena ematen dutenen artean flexo bat zozkatuko da.


Martin Larralde
2002-03-14 : 19:04



> Diseinu elegantea, prestazio onak, prezio hobea (2.608,13 eur.), erabilgarritasun handiagoa, baina honek ere flipatzen du.



Nik prezioarekin flipatu dut ba, ez zait oso eskuragarria egin. Edo Sustatuko editorea izateagatik diru pila hartzen dok, edo etzakizat!!

Niri behintzat lan tresna izateko, etzatezak kontuok ataratzen... edo eurokalkulagailua txarto jekoat bestela!!



Pezetatan sikiera oso garesti pentsetan jatek!!

Eneko
2002-03-22 : 12:48

Hemen irakur daitekeenez, pantaila laukin arazoak direla eta 100 eta 150 euro bitartean garestitu dituzte iMac berriak.


Dirudienez, atzeratzen ari dira ere eskaerei erantzuna ematerako orduan, 2 eta 5 aste bitartean.


Erantzun

Twitter ikonoa  Facebook ikonoa  Sartu