Segik Sorginen Laratza eten zuen

Mahainugurua zegoen, atzerritarrak Euskal Herrian. Lau lagun tertulian zeudela, hiru gazte jaitsi ziren publiko artetik pankartarekin, aurpegian maskara zuriak zeuzkatela. Emisioa eten egin zen, eta publizitatea zegoen bitartean, gazteak, tarte bat han egon ondoren, beren kabuz joan ziren. Etenaren ondoren, programak normal jarraitu zuen emisioa.

Joan den larunbatean, Athletic Club-Real Madril partiduan ere Segi-ren erreibindikazioak eten egin zuen jokoa minutu batzuetan.

Gose greban daude Segi-ko zenbait gazte azken egun hauetan. Beren erakundea, Haika bezala, legez kanpokoa dela edo legez kanpo gera daitekeelako mehatxua gainean daukate, eta horren kontra protestan ari dira.