Teknologia albisteak

Euskal hezkuntza auzitan berriro

Iñaki Olano - Sarria

2002-02-12 : 11:02

VIllar Euskal Hezkuntzari erasoka

Euskal Hezkuntzaz esandako astakeriei erantzuteko modua. Jaume Bofill fundazioaren txostena irakurtzeko modua ere bada.

Gaurdanik berriro zalaparta galanta sortuko du Espainiako gobernuak EAE.n ordezkari daukan Villarrek euskal hezkuntzaz esandako astakeriek.

Oraintxe bota ditu: berriro arrazismoa, xenofobia, ETAko komandoen errelebo erraza, Euskal Herriaren inbentua eta Espainiaren kontrako gorrotoa... Zaharrak berri. Erantzutetik merezi ote duen, probokazioen aurrean zeregin behar den etab. nork bere iritzia izango du.

Bada ordea hortik zehar hedabide askok haizatuko ez duten txosten serioa: Jaume Bofill fundazioarena. Gure hezkuntza leku onean uzten duena.

Horren aipua gaur Iztueta sailburuak egin du, eta fundacio Jaume Bofillen webgunean ikusi dezakegu. Baina baita erein.com helbidean ere. Gune horretan "nortzuk gara" klikatu, eta behekaldean daude EREINKARIA buletinak PDF formatuan.

Euskal Herriko hezkuntzari buruzkoak zazpigarren alean daude.

Horra, inprimatu eta mezua hedatzeko nire gonbitea.

Erantzunak

Iban

2002-02-12 : 14:00

> Oraintxe bota ditu: berriro arrazismoa, xenofobia, ETAko komandoen errelebo erraza, Euskal Herriaren inbentua eta Espainiaren kontrako gorrotoa...

Gaur Euskaldunon Egunkariak zabal eman du berria.

Errike Villarrek esanak:

Nazionalismo baztertzaile eta xenofoboaren maltzurkeriaren adibide garbia da hezkuntza.

Euskal Herriaren erreferntzia faltsuan hezitakoak egiten ari dira ETAren belaunaldi ordezkapena.

Zentzugabekeriak salatzea nahikoa ez denez, berehala eta konplexurik gabe zerbait egin behar da.

Euskal Herriari buruz duten ideian sartzen ez den guztiaren aurkako erasorako arma da euskara.

Irakasle zoragarriei guztia kenduko zaie, jangelak zaintzen eta adinekoei pixa-oihalak aldatzen jartzeko.

Gaien gehiegizko erregionalizatzeak Espainia osorako gai orokorrak ahantzarazi ditu.

Iñaki Arrieta

2002-02-13 : 14:02

Utzi astarrari arrantza egiten.

Astakaikuak bakarrik izango baititu ados.

Bestalde, inguru hauetan astakaikuak ugariago badira gizakiak baino, zertan ibili hitz egiten irakatsi nahian?

Axiomaxio

2002-02-13 : 15:42

Ados, baina ez dago sobran astapito-ideiak tragatzeko zorian daudenei kontrako argudioak eskeintzea. Bofill txostena adibidez.

Ala zer pentsatzen duzue, astarra bere kabuz dabilela, bere arrantzak espontaneoak direla?

Nire ustez, Nafarroako UPNren gisara, euskal ereduetako matrikulazio datuak tragatu ezinik dabiltza. Zeozer egin beharra daukate eta hortik dator etengabeko zalaparta, EAEko kasuan hezkuntza eta hizkuntza politikak ez baitaude euren esku.

Iñaki Arrieta

2002-02-13 : 17:23

Badakigu, bai, diru potoloak (pentsu mardulak?) jasotzen ari dela horratio.

Dena den, etorriko da beste aldetik astakirtenen bat, delakoari arrazoi izpirik txikiena bada ere, horixe bera emateko, ehundoko ahalegina egitera.

> Ados, baina ez dago sobran astapito-ideiak tragatzeko zorian daudenei kontrako argudioak eskeintzea. Bofill txostena adibidez.

>

> Ala zer pentsatzen duzue, astarra bere kabuz dabilela, bere arrantzak espontaneoak direla?

Aitor

2002-02-13 : 19:37

Beste batzuek esanak:

Isabel Celaa (PSE-EE): Aurretik prestatutako probokazioa dira, eta gizartean alarma sortzen dute

EILAS: Villar jauna ez litzateke gure ikaslerik hoberena

EHE Espainiako Estatuak euskara suntsitu eta ddesagerrarazi nahi du.

Josu Jon Imaz (Jaurlaritzako eleduna): Villarren adierazpenak onartezinak eta iraina dira euskal herritarrentzat.