IkasWorld, irakaskuntza telematikorako plataforma

IkasWorld, Interneten bidezko irakaskuntzarako eFaber-en garatu dugun sistema sofistikatua da. Plataforma indartsua da, Internetek hezkuntzarako instrumentu bezala eskaintzen dituen abantaila guztiak aprobetxatzen dituena. Hitz gutxitan, "klasea"ren barneko komunikazioa eta elkarlana sustatzen ditu, eta irakasleari ikasleen lana eta eboluzioaren jarraipena errazten dizkion tresnak eskaintzen dio. IkasWorld software librea erabiliz eratuta dago oso-osorik, horrek segurtasun, koste eta kalitate aldetik eskaintzen dituen abantaila guztiekin. Bere ezaugarrien zehaztasun gehiago, funtzionalitate eta teknologia aldetik, hemen irakur daitezke. Adibide bertsio bat dago frogatu nahi duenarentzat ondoko helbidean: http://ikasworld.efaber.net. Frogetarako erabiltzailearen posta eta pasahitza, "demo@demo.com" eta "demo" dira hurrenez-hurren. Benetako kurtso baten adibidetzat, EHU-n eman den hau ikus daiteke.