Noam Chomsky terrorista dela adierazi dute
Linguistika modernoaren eragile eta fundatzailea Terrorista? XX. Mendeko intelektual ezagunenetako bat terrorista? Kapitalismoaren eta bere herrialdeko inperioaren kontra egin duen gizona epaitua?
Europar Batasunak txalotu egin du Turkiak adierazpen askatasunaren aldeko apustua egin izana. Hori egin ostean, herrialde hau legea erabiltzen ari da Chomskyren editorea jazartzeko.
Robert Fisk-ek Independent egunkarian ateratako artikuluan dioenez, Gobernu turkiarrak 1984an Kurduen kontra egindakoa gaitzat hartuta Chomsky-k entsegu bat idatzi zuen. Bere lanean aipatzen zituen milaka eta milaka erailak, bizpahiru milioi errefusatuak, etnia bazterketak 3.500 aldea suntsituz... aipamen horiek ez dira batere ondo hartuak izan. Estatu terroristatzat jotzen du Chomsky-k sarraski hau eta horrek piztu du hika-mika.
Zerek bultzatzen duen biolentziara eta zerek ez eztabaidan egon da egun hauetan Euskal Herrian ere, baina ez da herrialde bakarra dirudienez. Biolentziara bultzatzea termino labainkorra da, dudarik gabe. Turkoek diotenez, adierazpen hauek biolentziara bultzatzen dute. Biolentziaz jarduteko akuilu omen direnak, ordea, Chomskyk horrela definitzen ditu: Giza eskubideen kontrako ekintzak dira, gizakiok dugun eskubide soilenen kontrakoak, alegia. Bitartean Europar Batasunean ez du inork ezer esaten, isiltasuna da nagusi.
Choskyk, otsailaren 13an Turkiara joateko asmoa duen linguistak, Nazio Batuen Erakundeari idatzi die, esanez, Turkoen legeei egindako emendakinak adierazpen askatasuna bultzatzeko zirela, ez murrizteko.
Erantzunak
> Terrorista izendapenena barregarria litzateke benetan, tragikoa ez balitz.
>
> Europako Batasunak onartu duen "terroristen zerrenda ofizialean":http://www.elpais.es/temas/textos/lista.html banan-banan izendatutako pertsonetan, Europatik kanpoko guztiak arabiarrak dira, eta Europakoak, guztiak euskaldunak.
>
> Hor dago froga ironikoa benetan geu garela Europako indijena aborijinalak... 3.000 urte izango dira indoeuroparrak etorri eta euskaldunen lehengusu guztiak (Europako populazio aborijenak) ordezkatu zituztela. Baina, hara, pasatu dira mendeak eta zerrenda bat ateratzen dute, eta begira nor ageri diren...
Kontua dek indoeuropearrak beraik herri ezberdinak osatuz joan zirala denboran zehar. Kasurako, iberiar penintsulan bertan bazuan hamaika kultura, erromatarrek bapo suntsiturikan.
Espainiar nazionalismo modernuak ez dik asmorik batere orohar "tribu" berbaz ezagutzen direnak berezko herriak zirala aitortzeko, zentzuon aspaldiko iturrietatikan edaten baititek. Gaiaren gainean gerturatze minimoa nahi duenak "Espainolak eta euskaldunak" lana --Joxe Azurmendik egina-- irakur zezakek, hortikan bestelako irakurketa zehatzagoetara joateko hala espainiar nazionalismoaren imaginarium historiko kolektiboaz nola aipatu herri desagertuen, banituen berri sakonagoaz ere iharduteko.
Terrorista izendapenena barregarria litzateke benetan, tragikoa ez balitz.
Europako Batasunak onartu duen terroristen zerrenda ofizialean banan-banan izendatutako pertsonetan, Europatik kanpoko guztiak arabiarrak dira, eta Europakoak, guztiak euskaldunak.
Hor dago froga ironikoa benetan geu garela Europako indijena aborijinalak... 3.000 urte izango dira indoeuroparrak etorri eta euskaldunen lehengusu guztiak (Europako populazio aborijenak) ordezkatu zituztela. Baina, hara, pasatu dira mendeak eta zerrenda bat ateratzen dute, eta begira nor ageri diren...