Gizarte Psikologia internetez ikasteko matrikula zabalik
Mondragon Unibertsitateko Hezkuntza Prozesuen Departamenduak aurrea hartu dio kalean dagoen betebeharrari. Gizarte Psikologiaren inguruan ikasi nahi duenari, sei kredituko jakintzagaia eskaintzen dio eta gainera on line. Matrikula zabalik dago otsailaren 1etik 15era.
Gai interesgarria da beti gizarte psikologiarena. Oraingo honetan, karrera osoa egin baino, zati bat hartu daiteke eta etxeko ordenadoretik ikasi. Internet bidez ikasiz gero, ez dago zertan joan beharrik klasera. Dena dela, Humanitateen eta Hezkuntza Zientzien Fakultatean, irakasleekin harreman zuzena eta indibidualizatua izateko joera dagoenez, hainbat zalantza betetzeko klase presentzialak antolatuko dira. Informazio gehiago lortzeko dagoen telefonoa 943 71 41 57. Bestela, posta elektronikoa erabil daiteke (idazkaritza_akademikoa@huhezi.edu ).
Erantzunak
Gure gela birtualak etxean garatutako plataforma informatikoaren bitartez eramaten ditugu aurrera. Izatez Ihardun Multimedia talde kooperatiboak eta Fakultateko Informaziorako eta Komunikaziorako Teknologien Departamenduak aurten egin dugun apustua da. Gaur egun hiru Masterreko eta Hizkuntzen Psikopedagogia Lizentziaturako ikasleek eta irakasleek erabiltzen duten tresna erosoa eta aurrerakoia da.
Interesgarria litzateke jakitea ze azpiegitura informatiko erabili behar duzuen honetarako. Merkatuko plataformaren bat erabili behar duzuen, etxeko garapenen bat... Kuriositatez diot.