Nork dio Mac eta Windows ez direla konpontzen?

1. mitoa. Mito honek dio mundu guztiak erabiltzen dituela Windowsen oinarrituriko ordenagailuak. Applek, ostera, erantzuten du industria sortzaileetan ezetz. Estatu Batuetako abokatuen %25ek, adibidez, ez omen dute Windows erabiltzen.
2. mitoa. Macintosh eta PC ordenagailuek ezin dute elkarrekin lan egin. Ez da egia, dio Applek, edozein artxibo trukatu eta sarean lan egin dezakete, ederto asko.
3. mitoa. Apenas dago programarik Macintoshentzat. Applek dio 15.000 programa daudela Mac OS sistema eragilean lan egiten dutenak.
4. mitoa. Ez dago Microsoft Office Macintoshentzat. Gezurra, dio Applek. Are eta gehiago: Mac OS X sistemarentzat egin den Office paketeak hainbat ezaugarri ditu Windowsenean oraindik aurkitzen ez direnak.
5. mitoa. Windows Macintoshen mailan jarri da. “Ezin da ukatu, dio Applek, Microsoftek negozio ona egin duela Mac OS kopiatzen, baina oraindik badu zer ikasirik”.
6. mitoa. Macintosh ordenagailuak askoz ere erabilterrazagoak dira Windows baino. Puntu honetan Applek ez du ezetzik esaten.

Hau ote da Windows erabiltzaileak erakartzeko modurik onena?