Gazte jendea nagusi Durangoko Azokan
Ez da makala izan goiza. Jendea zain zegoen eta urtarrileko beherapenak bailitzan sartu dira haurrak, bultzaka. Erosketa askorik ez omen dute egin,ordea. Denen ahotan gazteek disko eta liburuak harrapatzeko duten abilezia. Metak disko etxearen salmenta puntuan, esaterako, zabaldu orduko dozena bat CD falta ziren.
Ez da metak -en kasua bakarrik. Bestelako disko etxe batzuetakoek ere antzerako zerbait komentatu dute. Zuk Durangotik pasatzeko asmorik badaukazu diskoak pegatuta topatuko dituzu, edo plastiko baten azpian, edo ia-ia polizia lanak egien diharduan jendea liburuak zaintzen.
Eskoletatik etortzen dira umeok eta uholdeka etorri ere. Euskal Herri osoko neska-mutikoak izan dira. Nafarroatik ere etorri dira nahiz eta seguruenik Sanz-ek ez zieten autobuseko txartelik ordainduko.
Arratsaldean profesionalentzako eguna da. 16:00etan zabaldu dira ateak eta oso trankil doa arratsaldea. Momentuz manager batzuk, idazleren bat eta hamaika kazetari. Sekula izan duen zabalkunderik handiena izan du azokak aurten Euskaldunon Egunkariako kazetariek esan diguten moduan.
/cache/Udako-Ola-2024_1_small_content.jpeg)
Zaintzaile-poliziarena egia da. Ostiralean izan nintzen ni eta Elkarlanean-en erakustokian Ritxi delako bat izan nuen begira (gero esan zidaten izena), delinkuentea sentiaraziz. Hurrengorako bizarra kenduta joango naiz, ea horrela...