Inork erabiltzen ez duen seguritate partxea
Denok dakigu Outlook-ek duen birusenganako erakargarritasunaz. Microsoft-ek 2000ko ekainean prestatu omen zuen arazoa konpontzeko sistema bat, baina eguneratzen oso zaila da, eta Outlook-en erabiltzaileen %1ak ere ez du instalatu arazoa konpontzen duen partxe hori.
Michelle Delio-k Wired aldizkari elektronikoan publikatu du artikulu bat gai honi buruz.
Nire ustez, berezko instalazio zailtasuna horri, Microsoft-en azpilana gehitu behar genioke. Jakinekoa da Microsoftek seguritate arazo bat duenean ez duela propaganda gehiegirik egiten, eta nahiko isilean tratatzen duela. Honen ondorioa, arazoa konpondu beharrean, gero eta jende gehiagok arazo berdina izatea da, "de-facto" daukan monopolioari esker.
Kuriosoa da, baina hori da software libreari Microsoft-ek aurpegiratzen dion argudioetako bat: kode irekia izatean edonork ezagutu ditzakeela sistemen ahuleziak birus eta crackerren lana errazteko. Software librearen aldekoen erantzuna, modu horretan zulo horiek konpontzeko bolondres lan ikaragarria sortzen dela, denon interesekoa bait da arazo horiek konpontzea.
Soluzio definitiboa? Outlook kendu eta beste e-posta programa bat erabiltzea. Baina hori askorentzat partxe hori jartzea baino zailagoa izan daiteke...
Erantzun
Sartu