Oiartzungo enpresa bat, Zara erraldoiaren urratsen atzetik
Oiartzunen duela 10 urte 5 anai-arreben artean sortutako enpresa baten ibilbide bikaina destakatu du asteburuan Espainiako prentsan. Bilbao anaien enpresa, Anbao Distribuciones, Fosco zapata-denden jabea da, eta etxeak berak Oiartzunen egindako zapatak saltzen ditu 250 dendatan. Urtean 25 denda irekitzen ari dira, eta 12.000 milioi pezetako salmentak dituzte, eta 700 lanpostu zuzen ere bai enpresan. Beren eredua, hainbesteko fama lortu duen Amancio Ortega galiziarraren Inditex enpresa da (Zara, Massimo Dutti eta beste zenbait denda-kateren sortzailea).
Prentsako artikulua hemen duzue, El Pais egunkariaren Negocios gehigarriko igandeko alean.
Orain arte, Espainia eta Portugalen ireki izan dituzte dendak. Hurrengo urratsa, Frantzia, eta gero, urrutiago ere bai. Fosco-ren denda eredua ez da frankiziarena, jabetza zuzena baizik. Horregatik beren hazkundea nahiko kontrolatua da, baina oso sendoa. Enpresa hau 1991n sortu zen Oiartzunen, baina jatorria 1946an Hernani sortutako zapata-denda batean du.
/cache/Udako-Ola-2024_1_small_content.jpeg)
Erantzun
Sartu