Teknofiloen albistegia

Bertsoak eta zientzia: "Jakinduriek mudue erreko dau"

Erabiltzailearen aurpegia
2017-09-21 : 11:48

Zientziarekiko interesa pizteko komunikazioa ezinbesteko tresna da eta lan horretan bidelagunak aurkitzea eta askotariko esparruak uztartzea beharrezkoa. Uztarketa horren fruitua da irailaren 21etik 24ra (gaurtik igandera) Ondarroan, Getxon, Igorren eta Bilbon izango den ekitaldia: “Jakinduriek mundue erreko dau 2017” #bertsozientzia emanaldia.

Zientzia dugu giza kulturaren zati handi bat eta zientziaren oinarriak ezagutu gabe kultur ondarearen zati hori gabe geldituko ginateke. Zientziaz gain bertsolaritza dugu ere euskal kulturaren ondarea. Bertsolaritzaren gakoa da “bizitza kantatzea” eta egunero jasotzen dugun gehiegizko informazioa digeritzen laguntzea doinua, errima eta neurria lanabes hartuta.

Kike Amonarrizek gidatuko duen “Jakinduriek mundue erreko dau!” saioetan hiru bertsolari eta hiru zientzialari izango dira oholtza gainean. Zientzialariek 10 minutuko hitzaldiak emango dituzte eguneroko hainbat gai uztartuz eta bertsolariek errima eta doinua jarriko dizkie gaiei.

“Jakinduriek mundue erreko dau" sartu da aurten Bizkaia Zientzia Plaza izeneko ekitaldi sortan, zeinaren barruan Naukas eta beste ebento batzuk ere izan diren.

Gaurtik igandera, lau ekitaldi dira. Sarrera doakoa eta librea da eserlekuak bete arte:

  • Irailaren 21ean, osteguna, 18:30etan: OndarroanBeikozini (Iparragirre Kalea, 10)
  • Irailaren 22an, ostirala, 19:30etan: GetxonAlgortako Musika Eskolan (Basagoiti Etorbidea, 77)
  • Irailaren 23an, larunbata, 20:00etan: IgorrenLasarte Aretoa (Agirre Lehendakari Etorbidea, 19)
  • Irailaren 24an, igandea, 19:00etan: BilbonKafe Antzokia (Done Bikendi Kalea, 2)

Ekitaldi bakoitzaren programa zehatza, hemen.

 

Erantzun

Twitter ikonoa  Facebook ikonoa  Sartu

Publizitatea

Azken erantzunak

Erabiltzailearen aurpegia
Kontutan izan behar da Googlen itzulpen sistema... (Gari Araolaza)
Itzulpen automatikoak gener..., 2017-12-04
Erabiltzailearen aurpegia
Goizean albiste hau argitaratu dugunean akats h... (Sustatu.eus)
Bilbo Hiria Irratiaren 20 u..., 2017-11-10
Kaixo, lagunok: Irale-n lan egiten dut( irak... (pelloaranburu)
Aldaketa nabarmenak Euskalb..., 2017-10-30
Erabiltzailearen aurpegia
Badirudi arazoa bezero inplementazioan dagoela,... (Aitzol)
Adi! Etxeetako routerretan ..., 2017-10-16
Erabiltzailearen aurpegia
Publikatu dituzte erasoaren xehetasunak https:... (Aitzol)
Adi! Etxeetako routerretan ..., 2017-10-16

»» Jardun osoa