Teknofiloen albistegia
1

Zer iritzi duzu Negociador filmaz? Pse...

Erabiltzailearen aurpegia
2014-09-23 : 11:09

Atzo eman zuten Donostiako Zinemaldian Borja Cobeagaren "Negociador", Jesus Egiguren PSEko lehendakariak ETAko kideekin izandako elkarrizketetan inspiraturiko filma, gaiagatik jakin-mina piztu zuena, emaitza morbo horren mailan ez badago ere, onerako zein txarrerako.

Gaur egun ikus-entzunezkoetan eragin handieneko zinemagilea izango da gure artean Cobeaga: "Vaya semanita"ren sortzailea, korto oso onen eta luze erdizkakoen egilea, "8 apellidos vascos" arrakastatsuaren gidoigilea... ETArekiko negoziazioa gaitzat hartzen duen film batek askoren interesa sortuko zuela gauza jakina zen. Beharbada horregatik, Madrilen horrelako proiektu batek atzetik ekarriko zituen morrontzen jakitun zelako, film txikitxo bat egitea hautatu du zuzendariak: aurrekontu txikikoa, xumea, aktore gutxi batzuk eta barneko lokalizazio beti berdinekin jokatuz; eta, ikuspuntu jakin batetik egin arren (Egigurenek berak gertakari hartaz duen ikuspegia, azken batean), politikaz oso gutxi hitz egiten duena.

Manu Aranguren da protagonista, benetako politikariaren trasuntoa-edo, fikzioaren eskubideak aldarrikatzeko, eta Ramon Bareak gorpuzturiko pertsonaia horrek du protagonismo osoa: haren txisteak, xelebrekeriak, larritasunak... Joxean Bengoetxeak egiten du Josu Urrutikoetxearena (fikzioan Jokin), eta horiez gain dozena erdi bat aktore. Zer gehiago? Bada, gag sorta bat, onak batzuk, sinpatikoak bestetzuk, eta inguruko publikoari niri baino grazia gehiago egin ziotenak ere bai.

Hautaturiko tonua da nabarmentzekoa: apala, lasaia, melankolikoa ere deitu izan zaio, asko esatea izango da baina. Ez dut uste zinemaren historiara igaroko denik, ezta egileak horretarako pretentsiorik duenik ere. Gaurko gazteek esaten duten moduan, sinmas.

Erantzunak

2014-09-24 : 07:26

Justu atzo "El séptimo vicio" entzuten, etxera bidean, Javier Tolentinori entzun nionagatik gogoa piztu zitzaidan filma ikusteko. Hark zioenez, eta zuk ere aipatu duzu, libreago ibili ei da Cobeaga oraingoan, "8 apellidos vascos" filma baino zintzoagoa eta errealagoa dela "El negociador". Baina ez dakit ba, sinmas horrek akaso "Su txikian" lanarekin geratzea hobe dela petsarazi dit.
Eskerrik asko kronikengatik Xabier.

Erantzun

Twitter ikonoa  Facebook ikonoa  Sartu

Publizitatea

Azken erantzunak

Erabiltzailearen aurpegia
Badirudi arazoa bezero inplementazioan dagoela,... (Aitzol)
Adi! Etxeetako routerretan ..., 2017-10-16
Erabiltzailearen aurpegia
Publikatu dituzte erasoaren xehetasunak https:... (Aitzol)
Adi! Etxeetako routerretan ..., 2017-10-16
Erabiltzailearen aurpegia
turismoa airb (dabid aldama)
Airbnb-ren eragina Donostia..., 2017-09-29
Besoin de planifier des opérations esthétiques ... (Médecin chirurgie esthétique Tunisie)
Taxi hegalari eta autonomoa..., 2017-09-27
Des opérations de liposuccion en Tunisie font p... (Médecin chirurgie esthétique Tunisie)
"Banden Lehia" musika-txape..., 2017-09-22

»» Jardun osoa