Teknologia albisteak

UEUk ikasturte betea prestatu du Nafarroan, elkarlana ardatz

Erabiltzailearen aurpegia
2016-09-28 : 15:01

UEUk aurtengoa inoizko ikasturte indartsuena bezala aurkeztu du, Nafarroako Hezkuntza Departamentuarekin orain abiatu duen eta NUPekin eta Iruñeko Udalarekin martxan dituen elkarlanei esker. Lankidetza hauen bidez, nafar profesionalak formatu, tokiko behar akademikoei erantzun eta etengabeko euskarazko formazioaren erreferentzialtasuna areagotu nahi du UEUk. Datorren maiatzean IKERGAZTE kongresuaren bigarren edizioa Iruñean egingo duela ere aurreratu du.

Eskaintza propioko ikastaroak, UEUren Iruñeko egoitzan egingo dira:

Hezkuntza Departamenduarekin elkarlanean 5 ikastaro eskainiko ditugu:

Unibertsitate Atalarekin, Hezkuntza graduko ikasleek lehentasuna badute ere, publiko zabalari eskainitako 3 ikastaro DOAN Iruñeko ILZn:

Kantuz eta haur poesiaren bitartez komunikazioa landuz
Literaturaren ahozko baliabideak: zelan kontatu ipuinak eta olerkiak haurrei
Blogen erabilera hizkuntza geletan

Euskara Atalarekin, Nafarroako sare publikoko A, B eta D ereduetako irakasle ez unibertsitarioentzako bi ikastaro EIBZn:

Aurkezpenetan entrenamendu trinkoa
Euskal Literaturaren irakaskuntza Bigarren Hezkuntzan

NUPekin azken urteetako ildoari jarraituz, Kultur Jardueren baitan bi ikastaro eskainiko ditugu azaroan:

Argazkigintza digitala: edizioa
Argazkigintza digitala: zure reflex kamera ezagutzen

Argazkian, ezkerretik eskuinera: Imanol Nuñez (NUP), Mikel Rey (Hezkuntza departamendua), Maider Beloki (Iruñeko Udala), Iñaki Alegria (UEU) eta Edurne Koch (UEU) 

Erantzun

Twitter ikonoa  Facebook ikonoa  Sartu