UEUren ikastaroak, inoiz baino anitzagoak

Aurten ikastaroak Baiona, Eibar eta Iruñean gain, Donostian, Bilbon, Zumaian eta Bidarten ere egingo dita, eta izaera desberdina izango dute:

• Ikastaro espezializatuak: ikastaro hauek egiteko aurretik jakintza maila bat beharrezkoa da.
• Dibulgazioko ikastaroak: Interes orokorreko ikastaroak dira eta jakintza maila zehatzik ez da behar.
• Garapen pertsonaleko ikastaroak: ikastaro hauek pertsona moduan garatzeko balio dute; galerak modu baikorrean bizitzen ikasteko adibidez.
• Jardunaldiak.

Bestetik, diru-laguntza garrantzitsuak daude udako ikastaro hauetan parte hartzeko:

• Ikasle, langabetu eta jubilatuen matrikuletan BEHERAPENAK eskaintzen ditu UEUk.
• Bizkaitarrak: unibertsitateko ikasle eta ikasle-ohi langabetuak matrikula, egoitza eta joan etorria doan. 
• Donostiarrak: ikasle, langabetu eta erretiratu donostiarrek diru-laguntzak dituzte. 
• Euskal Herriko hainbat UDALEK DIRU LAGUNTZAK emango dituzte beraien herritarrentzat. Zerrenda guztia UEUren web gunean ikusgai dago.
• BERRIALAGUNA. UEUko bazkideek duten deskontu bera izango dituzte.

INFORMAZIO GUZTIA ETA MATRIKULA EGITEKO:  www.ueu.eus