Txikibiltariak-en aurkezpena TTiKLiK!ELKARGUNEAn

Maiatzak 7an Beasainen ireki berri den TTiKLiK!ELKARGUNEAn, ‘Txikibiltariak’ ekimenaren aurkezpena burutu zen. Ekimen hau, IBILBIDEAK(http://ibilbideak.euskadi.net/ibilbideak/), Eusko Jaurlaritzak bultzatutako egitasmo baten parte da.

Ibilbideak, motordunak ez diren kirol modalitate ibiltariak promozionatzeko egitasmoa da eta bertan, beste talde askoren artean, Txikibiltariak taldea sortu dute. Erabiltzaileek, familian, haur txikiekin edo ez hain txikiekin egin ahal izateko moduko aukerak sartuko dituzte bertan eta gainera, ibilbide hauek etiketa bidez ondo sailkatzeko aukera egongo da: haurrentzako egokia, haur-karroaekin egiteko modukoak… eta TTiKLiK!ELKARGUNEra gerturatu dira aurreneko aurkezpena egitera.

Aurkezpenera etorri zen Mikel Bringas koordinatzaileak dioenez, laister gainera, etiketa sistema bat erabiliz, ibilbide hauetan interesgarri diren puntuak markatzeko aukera izango da, hala nola, haur-parkeak, deskantsu lekuak…

Beraz, hemendik aurrera ez dugu inongo aitzakiarik izan behar familian edo lagunen artean txangoren bat egin, eta gainera beste guztiekin elkarbanatzeko!