Tenpora taldeak "Mundu Berria" kaleratuko du otsailean

TTALAKA.org

2015-02-01 20:05

2012an taldea osatu eta 2013ko abuztuan sei kantuko maketa grabatu eta zuzeneko batzuk egin ondoren, hemen ditugu berriz TENPORA taldea euren lehen lan luzearekin: Mundu berria. Pop-jazz ukituko hamabi kantu eder aurkezten dituzte esperientzia zabaleko bost musikariek: Hasier Oleaga baterian, Elene Arandia ahotsean, Juantxo Zeberio Etxetxipia teklatuetan, Itsaso Etxebeste baxuan eta Beñat Barandiaran gitarran.

TENPORA Karlos Linazasoro eta Harkaitz Canoren testuetatik abiatzen da bere mundu propioa eraikitzeko (Mundu berria). Giro iradokitzaileak, melodia gozoetatik paraje bortitzetara garamatzaten ibilbideak, moldaketa zainduak, kontraste zirraragarriak... Beasaingo Pottoko estudioan Fredi Pelaez teknikariarekin grabaturiko hamabi kantuotan soinu pertsonal, elegante eta ñabardurez betea aurkituko du entzuleak. Gu estudiora gerturatu gara eurekin hitz egitera eta proiektuhau sakonago ezagutzeko. Otsailaren bukaeran kaleratuko dute lana, beraz, adi ibili!

ERRPORTAJEA: http://www.ttalaka.org/erreportajeak/mundu-berria-tenpora-taldea_100/

Erantzunak kargatzen...

Tenpora taldeak "Mundu Berria" kaleratuko du otsailean

Jarraitu gaitzazu