Larunbatean Intxaurrondon KOXK, euskal gastronomiaren festa, "Kilometroak" jaiaren formatuarekin

Ikastolen Elkarteak ikastola eta euskararen alde antolaturiko jaiak oinarri (Kilometroak, Nafarroa Oinez, Ibilaldia...) festak 1,4km-ko ibilbidea izango du, lau gunetan banaturik egongo dena. Gune hauekin euskal sukaldaritzako 4 protagonista handi omendu nahi dira:

• 1. gunea: Luis Irizar Gunea(Txaparrene Parkea)
• 2. gunea: Pedro Arregui  Gunea(Villa Yeyette)
• 3. gunea: Juan Mari Arzak Gunea (Parada Plaza)
• 4. gunea: Gilda Gunea (Larrotxene K.E.)

Festaren helburuetako bat goi sukaldaritza jendeari hurbiltzea da, eta sukaldariek lan nola egiten duten ikusteko aukera ematea. Beste helburua Koxk!-en bitartez eskuratutako dirua Zaporeak proiektura bideratzea da, Angel Olaran apaiz hernaniarrak Wukro (Etiopia) herriaren elikadura hobetzeko duen proiektua. Proiektu honen baitan, Saint Mary eskolako sukaldeak eta misioarenak hobetu eta Ostalaritza eta Gastronomia Eskola sortuko da.

Irailaren 13an, egiozu koxk elkartasunari!

IKUSI BIDEO-ERREPORTAJEA